Mantan

Ceritenye Pak Beluk lah PD benur midur ke rumah Merin sambil bawe betine. Betine ini kenalan Pak Beluk endai Instagram. Empai hari kedua chatan, betine ini langsung endak diajak Pak Beluk midur.

Singkat ceritenye, Pak Beluk sampailah di rumah Merin.

"Assalamualaikum," kate Pak Beluk.

"Wa’alaikumsalam," kate Merin.

"Siape ini, santingan kaba ce," sambung Merin.

"Calon," jawab Pak Beluk sambil tetawe.

Lah radu ke rumah Merin, Pak Beluk dengan betine ini tadi midurlah. Dijalan sesinggiran dengan Ujang Kricup. Ujang ini tekanjat nginak Pak Beluk bonceng betine itu. Soalnye betine itu mantan bibai Ujang Kricup. Karena penasaran, akhirnya Ujang Kricup ini ngejagh Pak Beluk untuk mastikannye agi. 

"Uii ce, cewek baru itu," kate Ujang Kricup.

Seketike, Pak Beluk dengan betine langsung ngilap ke arah Ujang Kricup.

"Ayin ce agi calon," balas Pak Beluk sambil senyum.

"Nah luk itu kie, cinung aku betine kamu bawe ini," balas Ujang Kricup. 

Betine ini langsung bisik ke Pak Beluk langsung kencang.

"Malahh, kebutkan juge radulah nawuki ragah itu," kate betine itu sambil bisik ke arah kiri Pak Beluk.

"Lah kenal kuti ce berarti," balas Pak Beluk