Segale Murah

Pas aghi libur kemaghi Pak Beluk pegi berayak ke Kota Bengkulu. Kebetulan kali ini kenan pegi sughang.

Singkat cerite, pas sampai di Bengkulu, Pak Beluk langsung keliling makai motor kesayangannye.

Ndik lame berkeliling, kenan lah mulai merase lapagh. Karne empai kali inilah berayak sughang ke Bengkulu, Pak Beluk bingung ndak makan di mane.

Sebab, kenan takut regenye mahal gale. Awak kenan mbatak tanci njak dusun paspasan saje.

Singkat cerite agi, kenan masuklah di warung makan Padang. Pas sampai di dalam, kenan langsung disajikan dengan nasi dan bemacam-macam gulai ye di letak dalam piring di mejanye.

Karne lah merase lapagh nian, Pak Beluk langsung tancap gas makan. Anye dari sebanyak gulai ye dihidangkah, Pak Beluk cuman ngambiki kuah nye saje.

Pas ndak mbayar, Pak Beluk tekejut bukan main. Sebab, regenye murah nian.

"Berape pak," tanye Pak Beluk.

"Rp 10 ribu saja pak," timbal pelayan.

"Ntuk kah murah makan di kota ni adak pak," Pak Beluk penasaran.

"Yak wajarlah pak, bapak kan cuman makan kuanya saja," jawab pelayan.

"Ui luk itu pak, lain kali aku kah makan di sini agi pak. Lemak nian, segale murah di sini," uji Pak Beluk sambil pegi njak warung makan tu.