Buyan Dide Betambah

 

PAK BELUK duduk berenung di kursi belakang ghumahnye sambil ngupi. Di belakang ghumah, Pak Beluk ngehayati arap rokonye sambil palak ke arah langit dengan posisi mate tebukak, disposisi itu Pak Beluk behayal jadi artis. Singkat cerita, datang Merin, nginak Pak Beluk dengan posisi palak ke arah langit mate tebukak tanpe ngerijam. Sangke Merin ini Pak Beluk ini  pingsan. Karena panik Merin ini belari keluar sambil mekik.

"Tolooong, tolonggg...," kate Merin

Jeme ngehaning Merin minta-minta tolong ini tadi, belarian maraki Merin.

"Ngape-ngape," kate jeme banyak ini.

"Kanceku mati nampaknye cube inak kudai," jawab Merin.

Karena panik, Merin dengan warga belari maraki ke lokasi belakang ghumah Pak Beluk. Pak Beluk nginak jeme ramai-ramai ini tadi terkejut. Hayalannye jadi artis tadi berubah langsung.

"Ngape rami-rami ini," kate Pak Beluk langsung tegak.

Seketike jeme nginak Pak Beluk tegak ini langsung diam. 

"Ngape kamu ini rami-rami," kate Pak Beluk.

"Iyak, sangke ku kaba ini tadi mati, tadi ce mangkenye aku panggil jeme rami ini" jawab Merin. 

“Palak kabah, aku sedang santai. Inilah kalau bekantin dengan jeme buyan, jeme santai dikatekah mati. Merin ai, buyan dide betambah  kabah ni. Sesekali tu kinaki dunie ini, ngikinaki HP piut tu ukan hanye facebook saje. Belajar dikit ilmu pengetahuan,” kate Pak Beluk ringam.