Tim Buyan
Pak Beluk--
MUSIM pencalonan kemaghi, Pak Beluk sempat jadi tim sukses salah sorang calon legislatif (Caleg).
Jadi waktu kampanye dulu, calon tu ngajung Pak Beluk ngumpulkan jeme dusun ke lapangan.
Singkat cerite, pas malam kampanye tu. Caleg njak dukungan Pak Beluk maju nyampaikan visi dan misi die ndak encalon tu.
Anye, masyarakat maju pule neriaki dan naweka Caleg tu.
Anye, karne Caleg datang njak kota, jadi kenan dide terti base dusun. Sangke kenan muji die gale jeme sedusun tu.
"Saudara-saudara sekalian. Kalau saya terpilih, saya akan membantu semua keperluan masyarakat sekalian," kate Caleg maju berkampanye.
Ndengar kicikkan calon tu, masyarakat ye datang tu tampak tetawe gale sambil ngicik.
"Buyah, buyah, buyah," teriak masyarakat.
Nginak masyarakat maju semangat dan terus teriak sambil tersenyum.
Sangke Caleg tu riang gale masyarakat. Jadi kenan tambah semangat kampanye.
"Tenang, saya akan membangun gedung, sekolah, pasar dan semuanya," uji Caleg tu agi.
Masyarakat maju tetawe sambil beteriak "Buyah, buyah, buyah,".
Sampai waktu balik tu Caleg tu maju senyum-senyum. Bahkan, saking riangnye kenan ndik sadar tepijak tai sapi.
Nginak dukungannye dide beres agi, Pak Beluk langsung ngicik.
- Tag
- Share
-
-
