Pisang Coklat

Pak Beluk dengan kancenye ncakagh pisang ndak dibuat pisang coklat ye telah dipelajaghi di handphone. 

Setelah sampai di ghumah dengan binjatan pisang sesisigh Pak Beluk dengan keyakinan ndak mbuat pisang coklat bermodalkan nonton handphone.

"Kaba tunggulah ce nangkanlah aku mbuat pisang coklat," kate Pak Beluk dengan keyakinan.

Kancenye dengan semangat nunggu Pak Beluk ye lagi mbuat pisang coklat.

"Pak Beluk masak pisang coklat tu, dide ndak sambil mainkah handphone kalu ngulang mutong pisang coklat tu," kate kance Pak Beluk ngingatkah.

Tapelah daye pisang ye dipanggang dengan Pak Beluk lah hitam. Dengan begunyam Pak Beluk ngatekah panggangan pisang ye lah hitam tandeye lah jadi pisang coklat.

"Pas ini aku nginak d YouTube tadi pisangnye hitam pisang coklat tu," kate Pak Beluk.

Pas dihidangkan Pak Beluk ngah kancenye rase pisang coklat pahit.

"Yag Pak Beluk ngape pahit ni, mutong pisang coklat ni," kate kance Pak Beluk.

Pak Beluk njawab bahwa ye ditontonnye pisang coklat itu hitam.

"Pisang coklat ame ini hitam die ce," kate Pak Beluk.

Kantin Pak Beluk sambil nawekah Pak Beluk bahwe pisang coklat singkan hitam dilantak dengan susu coklat.

"Yak bukan die hitam tu li mutong Pak Beluk, nye hitam dilantak dengan susu," kate kance Pak Beluk.*