Gile Senampur

Belum lame ini Pak Beluk lagi jejalan ngenginak tempat wisata batan jualan tahun baru. Nah, ngape pule lagi ndik bejalan pakai gerude bughuktu, ade jeme ndak numpang naik motornye. De bepikir panjang agi langsung saje dinaikanye dan langsung tancap gas. Istilahnye dide kalah gengsi, kirenye jeme dinaikanye tu masih mabuk. Kejadian kenan itu diceritekah dengan kantin akrabnye, Merin.  

“Aku hampir dapat balak besak belum lame ini ce. Tegauk aku waktu itu,” uji Pak Beluk

“Ngape ngicik model itu kabah ce,” jawab Merin.

“Ade jeme minta naik motor waktu aku beghusik, karene kesian die kunaikan bemotor,” timbal Pak Beluk agi.

“Tapi ape masalahnye,” tanye Merin penasaran.

“Oiii kabah, jeme aku naikah itu tadi dide sihat,” timbal Pak Beluk. 

“Dide sihat mbakmane ce, banyak jeme model jeme dide sehatni,” ucap Merin

“Ai ntalah Merin, alangkah banyak tingkanye di waktu naik motortu, sesampai pengemihan aku pule dikecak sambil benyanyi pule. Aku bentak ngape pakai bekecak model itu, jawabnye ngecak mik untuk benyanyi,” uji Pak Beluk.

“Kalu jeme gile situ Pak Beluk, jangan nihan asal naik,” uji Merin agi.

“Anye saje mulut bebuih. Baunye model aik tupi miring nye pernah mu tawarkan dengan aku waktu di café dulutu,” jawab Pak Beluk.

“Ai cacam Pak Beluk, itu jemenye mabuk minuman, ukan gile, anye gile senampur saje. Ati-ati naikan jeme kelo salah naik. Naikah motor jeme gile bakal panjang urusannya,” nasehat Merin agi.*