Gara-gara Sengkayu

Pak Beluk emosi nginak Merin ngenjuk sengkayu kalifornia dengan tetangge yang lain. Karena Pak Beluk jeme paling bejase waktu Merin bukak kebun, endai awal garab lahan sampai ke sengkayu bebuah. Gegare masalah sepele itu hingge saling lapor pelisi. 

"Luk mane kamu ini,  aku yang nulungi kamu endai awal bukak lahan, sampai ke sengkayu bebuah, dide kamu enjuk pengecapan. Sementara tetangge lain kamu enjuk, dimane hati kamu," kate Pak Beluk di hadapan Merin dan tetanggenye.

"Ayin dide endak ngenjuk pengecapan ce, kamu tu lah ku pikirkan, rencanenye aku endai ngenjuk kaba belanje ayin sengkayu, kalu kaba endak sengkayu ini ade sikuk agi yang masak," jawab Merin.

"Gile kaba ini, sengkayu sikuk tukik bekas makan burung endak kamu enjuk dengan aku. Ku laporkan ke pelisi ini, karenalah merendahkan aku dengan endak ngenjuk sengkayu bekas makanan burung pasal penghinaan itu kenenye ," kate Pak Beluk dengan nade emosi.

"Bukan aku menghine ce, sabar kudai kamu ini, kele ade bagian kamu dide pule endak emosi ini maluan awak lah tuhe," balas Merin.

"Ku pelisikan pukuknye, pertame kamu merendahkan aku endai ngejuk sengkayu makanan burung, kedua kamu ngicikan aku lah tuhe. Ujang Kericup dengan kuti disini jadi saksi kele," jawab Pak Beluk.

"Yak ngape kami terlibat ini," balas Ujang.

"Kalu dide endak jadi saksi, ku laporkan kamu karena dide endak ngenjuk keterangan, jangan main-main dengan aku ini," balas Pak Beluk.

"Ku laporkan juga kamu kene pasal pemaksaan," balas Ujang. *