Sepatu

Pak Beluk ye sedang santai menikmati waktu libur diajak dengan kancenye main bal. Dalam pikiran pak Beluk bahwa die ndak main bal di tanah lapangan ye libagh.

Kance ngajak pak Beluk ye lagi santai dengan didampingi segelas kopi hangat bahwasenye petang kele main bal. 

"Pak Beluk sesiaplah petang kele kite main bal," ajak kance Pak Beluk.

Pak Beluk menjawab dengan nada semangat ngatekah bahwa galak.

"Yak lasung nian kite petang kele main bal ce, lah lame tini dide nendang bal. Ade sepatu kaba ce?" tanye Pak Beluk.

Kance Pak Beluk njawab bahwa sepatu sikok agi di rak sepatu.

"Ambiklah di rak sepatu Pak Beluk," kate kance Pak Beluk.

Pak Beluk nginak’i sepatu ye ditunjuk kancenye. Pak Beluk cube makainye.

"Au dide yakin aku ndak makai sepatu ini tape ringan kata luk dide besepatu. Masih lemaklah sepatu taiyoko ndak patamnye ade," kate Pak Beluk.

Dengan keyakinan penuh Pak Beluk ndak gunenkah sepatu taiyoko (sepatu peranti jeme ke kebun ngah ke sawah). 

"Nduk ce kekecik lapangan ni dide kah segah belaghi ame luk ini," kate Pak Beluk.

Kance Pak Beluk njawab bahwesenya di kota tu jarang ad lapangan ye luk di dusun libagh.

"Adak luk inilah die lapangan di kota ni. Keluarkalah sepatu kaba mangke pemanasan kudai," kate kance Pak Beluk.

Pas Pak Beluk ngeluarkah sepatu njak dompet, jeme mulai tetawe gale nginak sepatu Pak Beluk ye dide biasenye.