Cak Padek
Pak Beluk--
LUM lame ni pas di sekul Yung Pantit di ajung guru njawab pertanyaan perkalian dan pembagian.
Anye, karne kebiasaan Yung ye malas belajar, jadi kenan dide pacak njawab pertanyaan guru.
"Yung, cube jawab kudai. Seandainye kaba ade permen 10 butir, udim tu dibagi due dengan kawan kaba. Berape agi sisa permen ye ndak kaba," tanye guru.
"Dide bedie sisanye buk," jawab Yung.
"Nah luk ape sangkan pacak dide besisa tu Yung," guru bingung.
"Yak pacak lah buk, ngape pule dide pacak," jawab Yung agi.
"Luk ape carenye pacak abis tu Yung," guru betanye agi.
"Pacaklah buk, ibu saje ye ndik terti," Yung masih luk padek nian.
"Awulah luk ape carenye, kan seharusnye sisa 5 butir lagi," guru njelaskah ngan Yung.
"Mane ndak besisa buk, aku galak makan permen, jadi gampang nian aku ngabiskah permen kapuh 10 butik tu," Yung ngicik panjang libagh.
"Ude betegaklah di depan nila kaba. Lum ndak duduk amun lum jam balik. Awak buyan cak padek kabah ni," kate guru rengam ngan Yung. *
- Tag
- Share
-
-
