Ndak Jadi TKW
Pak Beluk--
Lum lame Pak Beluk ngiciki kance lamenye Lihin. Sebab, kancenye ni lah bujang besak anye mendam saje di rumah.
Singkat cerite, Pak Beluk nawarkah Lihin njadi TKW ke luar negeri. Anye Lihin langsung mbantah dide kan pacak.
"Aku ndik pacak amun ndak njadi TKW tu," kate Lihin.
"Tape ye mbuat kaba ndik pacak. Amun masalah surat menyurat ni nengkela aku ngurusi die," kate Pak Beluk.
"Awulah kalu ndik pacak," kate Lihin agi.
"Kudai, ngape sangkan ndik pacak tu. Gaji besak. Lah banyak jeme pas balik ke dusun mbatak tanci banyak, tetegak rumah besak," uji Pak Beluk maju nyerocos.
"Ui aku ni lanang, luk ape ndak jadi TKW, Bapang Yung" Lihin mulai ngangat.
"Mangke ngape amun lanang, banyak pule lanang tu ye jadi TKW," Pak Beluk masih kilah gherasan.
"Keruan ndik kaba reti dan singkatan TKW tu," Lihin balik betanye.
"Yak keruan, base TKW tu jeme ye bekerje di luar negeri," timbal Pak Beluk.
"Hui bajang, base TKW tu singkatan Tenaga Kerja Wanita, amun lanang ni TKI atau Tenaga Kerja Indonesia. Bukan asak galak. Buyan ndik bepanggaran," Lihin njelaskah panjang libagh.
"Awulah same saje titu. Amun lah ke luar negeri masih kah TKW tula," Pak Beluk masih ndik ndak ngalah.
"Ude pegilah kaba saje. Amun aku lum ke ngade ndak njadi TKW. Banyak kerje asing," kate Lihin rengan sambil langsung berangkat balik. *
- Tag
- Share
-
-
