Biaya Curhat
Pak Beluk--
MERIN datang ke klinik untuk perikse darah. Waktu di cek dokter, darah Merin naik 200. Padahal seminggu sebelum darah Merin 120.
"Alangke tinggi darah kamu ini 200," kate dokter sambil nginak angke hitungan darah.
"Astaghfirullah, suai palak ku sakit, dadeku sesak ini," jawab Merin.
"Makan ape pule kaba beberapa aghi ini," tanye dokter.
"Dide bedie dok, mungkin gara-gara Pak Beluk ini dok," jawab Merin.
"Ngape pule Pak Beluk," tanye dokter
"Jadi, aku ini lah tige bulan dikontrak jadi guru bace tulis Pak Beluk. Tapi lah jalan 2 bulan ngajar, Pak Beluk ini belum juge paham care nulis. Sangkingnye, nulis nama jeme saje huruf kecik gale padahal lah beulang kali dijelaskan nulis name jeme itu huruf besak diawal. Endak mamung ini masih dak kecik, dide endak masuk luk mane. Akhirnye diam saje, tejadilah darah tinggi ini," cerita Merin.
"Bebanyakah sabar tulah, maklumi saje namenye jadi guru jeme tue bute hurup," balas dokter sambil ngejukah kertas pembayaran.
"Aii mak, besaknye perikse darah ini dok 200 ribu, dide salah ini," tanye Merin.
"Au, ditambah biaya curhat Rp 100 ribu perikse Rp 100 ribu," balas dokter. *
- Tag
- Share
-
-
