Maling Tekilan

Pak Beluk ngerayau ke ghumah Merin mbatak rokok batak pule tekilan. Anehnye empai sampai rumah Merin, tekilan Pak Beluk ini langsung lengit.

"Ngupi dide?" tawar Merin 

"Jadi, anye agak pait kupi ku," kate Pak Beluk.

Waktu Merin nawarkan kupi dengan Pak Beluk. Tangan Merin langsung ngambik tekilan Pak Beluk di pucuk mija. Tekilan ketahuan lengit waktu Pak Beluk endak nunggu rukuk.

"Tunggu negal," kate Merin sambil masuk ke dalam ghumah.

Singkat cerite, sambil nunggu kupi masak. Pak Beluk ini endak nunggu rukuk, waktu endak ngudut. Tekilannye dipucuk mija ini tadi lengit.

"Ai mane tekilan ini tadi, mustahil langsung lengit. Perasean disinilah kupikan tekilan ini tadi," kutuk Pak Beluk.

Belum lame datanglah Merin sambil bawe kupi. 

"Ape kie cakari? Timbul gisai," tanye Merin.

"Tekilan aku lengit," jawab Pak Beluk.

"Galak bani mu nilah ngambiknye ini," sambung Pak Beluk.

"Mustahil batu, aku saje empai radu masak kupi," jawab Merin sambil ketawe. 

"Aku de nihan kurilekan batu, di sini nihan tekilan tadi, lum 5 menit lah lengit. Sape ngambiknye, terbanting bermotor numbur motor pule, aminn," sumpah Pak Beluk.

"Aii, ayin kie ini," kate Merin.*