Kelupean Care Azan

BELUM lame ini Pak Beluk dengan Merin sembayang terawih di masjid. Hari pertama  masjid masih rami, bahkan hampir dide kemuat karene banyaknye jeme. 

"Na kalu rerami lemak sembahyang terawih," kate Pak Beluk.

"Awu semangat juge kite sembayang," jawab Merin.

Singkat ceritenye, hari kedue masih lumayan ghami. Bebujangannye masih ade yang datang, tapi agak berkurang dibandingkan hari pertama. Nah hari ketige terawih, bebujangan same sekali dide bedie agi. Sedangkan tukang azan dide datang terawih. Berhubung yang paling mude datang terawih cuma Pak Beluk. Imam ngajungkah Pak Beluk azan.

"Azanlah, lah masuk waktunye," kate imam nunjuk ke Pam Beluk.

Pak Beluk diam saje, waktu diajungkan imam azan mendam pasang gaya dide ngehaning. Modusnye kenen, sholawatan. 

"Pak Beluk ngape agi azanlah," kate imam sambil nyuil bahunye.

"Azanlah pak imam, aku sedang sakit tenggorokan," jawab Pak Beluk 

"Aiii dide bayak ige alasan, azanlah kudai gilah, lah waktunye," kate imam.

"Pak imam, ayin aku dide endak azan cuma kelupean care azan tu," kate Pak Beluk.

Singkat cerite waktu malam ke 4 terawih Pak Beluk dide endak agi datang takut kalu diajungkan azan.

Pikir Pak Beluk “Awak takut dengan hantu lari ke kuburan, tubuh takut nian azan. Datang ke masjid kele kene ajung imam azan agi”.*