Menang di Sigaran
Pak Beluk--
Ceritenye Yung Pantit ngah kancenye Ujang Kericup ndak ngapeli gadis dusun sebelah. Bulih dikicikah bunga desa. Karne putih mulus cantik pule, idaman nian.
Ame nginakah gaya Yung luk meyakinkah, sigaran ghumbak luar biase licinnye gawih minyak rambut. Sedangkan Ujang ni biase saje, gaya ape adenye.
Beghanikah diri, Yung telpon cewek alap ni tadi.
"Hallo....Di... di mane dek?” agak gagap ngicik alias salah tingkah.
“Anu... Kakak ni lasung ke ghumah. Kemaghi lah udim bejanji dengan kamu kan dek, nah jadinye kakak ngan kance kele berayak ke situ," kate Yung.
Lah udim, dimatikah telpon ni tadi. Ngecik lah Yung ngah Ujang, base luar biase cewek tu.
"Nduk ay bro aseli, cantiklah cantik, putihlah putih, suaghe kecik alus pule... Ayy mase dik tedapat gawih kite bro," kate Yung.
"Ay bro... Cukah tadi lospekkah (loudspeaker) ndak dengar pule, dapat suaghenye jadilah aku," timbal Ujang.
“Nahh ame mak itu malah kite, ngape agi sigaran ghumbak lah licin. Sekedar dik beparfum, ai ndek kah ngape, ndik kah keembauan ngah budak tu, yang penting sigaran ghumbak licin,” uji Yung Pantit.
- Tag
- Share
-
-
