Gawih Bapang

Reporter: Rohidi Effendi |

Editor: Dedi Julizar |

Senin , 20 Jan 2025 - 20:12

Pak Beluk--

gawih bapang                            di sekul kemaghi, yung pantit anak pak beluk belajar bahasa inggris.
luk idang kali tulah, yung pantit selalu luk pacak nian di depan guru dan kawan-kawan di kelasnya.
singkat cerite, pas udim guru njelaskah, guru betanye pakai bahasa inggris dengan muridnye.
kebetulan pule, yang di tanyei guru petame yung pantit.
"yung, what is your nim (name, red)," tanye guru.
"may nim is tige due buk," timbal yung pantit pedeh nian.
"cube ulangi agi yung," buk guru masih penasaran dengan jawaban yung.
"may nim is, tige due buk," kate yung njawab agi.
"luk ape murid-murid ye lain, nyelah jawaban yung ni," tanye guru.
"salah buk," jawab murid serentak.
"nah yung tape ye salah di jawaban kaba tu," guru balik betanye.
"ui buk ndik bedie ye salah base jawaban aku tu. kawan-kawan ye lain tu saje ye bigal gale," timbal yung luk padek nian.
"hui yung, ibuk tadi nanyeka name kaba, bukan nanyeka nilai kaba. itulah amun ndik terti betanye, udim tu jangan cak macak yung," kate guru rengam.
"ui luk itu buk, lah salah nian amun luk itu," timbal yung sambil nggarut-nggarut palak.
"ude, sampai jam balik kaba betegak kudai di depan ni," kate guru.
"ai, gawih bapang gale ini, nunjuki jeme dide ade ye benagh," mumut yung dalam ati. *

Tag

Share

Koran Terkait

Kembali ke koran edisi Radar Kaur, Selasa 21 Januari 2025

Berita Terkini

Berita Terpopuler

Berita Pilihan