Purik Sughang

KEKANTIN Merin kini makin musingkah, sebab makin lame makin betingkah. Ade ye yang lah paham cak model jeme dide keruan ape – ape.

Ade juge ye modelnye lelupean, mbingungkah gale raban tu. Seminggenye Merin lah purik nian, kenan sampaikan kondisi ini dengan Pak Beluk.

“Tambah nema kini kekantin ni Pak Beluk. Raban ni model dide keruan ape – ape, padahal raban tu lebih paham nian,” keluh Merin.

Pak Beluk ye lah keruan masih mendam nganingkah cerite Merin ini. Kenan lah paham nian kepurikan Merin ini. Akhirnye Pak Beluk ngicik “Kite kinaki kudai ape maksud kekantin ini Merin. Aku juga lah pusing urusan ini”.

Nganingkah kicik Pak Beluk Merin nyahut “Kalau lah keruan ngape masih mendam saje, ape ganti didiamkah ce. Sesekali sampaikan nian dengan jelas, ukan didiamkah”.

“Kite pelajari kudai, ade trik gegalenye. Ukan langsung dikicikah saje, ujungnyeraban tu njawab au saje. Tapi nnyatenye dide berubah,” ungkap Pak Beluk santai.

Nginak Pak Beluk luk adak saje, Merin makin purik. Kenan kesal nian, tapi dengan siape agi kah nyampaikah masalah ini. Merin akhirnye tecellbus “Kalau model ini raban tu ukan dide ngerti. Tapi raban tu mbigalkah, sare ce”.

“Naaa inilah modelnnye  kabah, dide sabaran. Kite bekantin tu harus sabaran, harus saling pengertian. Dide mudah marah, dide galak merengami kantin,” Pak Beluk nasehati Merin.

Sambil lelinyum Merin betegak, kenan pamit dengan Pak Beluk. Tapi sebelum balik die ngicik “Pak Beluk, hidup ini kah saling lemakah.

Ukan saling kulahkah, aku sependapat degan kate kabah tadi, pengertian. Anye pengertian itu same lemakah, ukan saling kulahkah. Kite ini gunakah utak bekantin tu, ukan saling kutakkah. Kalau model ini mbuat purik sughang”.