Nomor Sepatu

Lum lame ni Pak Beluk pegi ke pasar dengan bininye Ndung Yung. Pak Beluk ni ndak pegi ke pasar karne kenan ndak beli sepatu.

Singkat cerite, pas la sampai di pasar Pak Beluk langsung ngajak bininye ke toko sepatu. Sampai di toko, Pak Beluk langsung milih sepatu ye paling alap.

"Dek, tolong dalakkah sepatu yang cocok batan ndak keting aku ni," kate Pak Beluk.

"Ndak sepatu yang lukmane kamu tu mang?" timbal pemilik toko.

"Pukuknye sepatu ye pas dengan aku. Kekire ye luk inilah," kate Pak Beluk sambil nunjukah sepatu di depannye.

"Sepatu ini ukurannye 40 mang," jelas pemilik toko.

"Nah, amun batan ukuran keting aku ni berape pule?" Pak Beluk betanye.

"Yak dide keruan aku mang. Biasenye nonor berape manang pakai>" pemilik toko masih sabar.

"Dide keruan aku. Kan empai inilah aku beli sepatu di badah kamu ni," jawab Pak Beluk agak ngangat.

"Bukan luk itu mang, biasenye kamu ni makai sepatu ye nomor berape. Pacak aku dalakkah," uji pemilik toko agi.

"Ui dek, aku ni bedalak sepatu, bukan bedalak nomor. Amun bedalak nomor tu jeme ndak ncalon Kades," Pak Beluk panjang libagh nimbal.

"Anu mang, mintak maaf nian. Amun dide keruan nomornye, ndik pacak aku ndalakkah ye pas batan ndak kamu," kate pemilik toko.

"Luk ape kamu ni. Njual sepatu tapi ndik keruan ukuran keting pelanggan. Ude melah kisit njak sini," kate Pak Beluk ngajaki Ndung Yung pegi.

"Ai ndik sihat mamang ini," pikir pemilik toko dalam hati.