Bejalan Mundur
Pak Beluk--
Belum lame ini, Pak Beluk bongkar mesin motor di Bengkel Merin. Berhubung Merin sedang pegi, jadi yang bongkar motor Pak Beluk anak buahnya yang magang Ujang Kricup.
"Mane Merin, bongkar kudai motor ku ini, mesinnya bebunyi-bunyi," kate Pak Beluk.
"Sedang pegi, tunggu kudai jerang," jawab Ujang Kricup.
Singkat cerita Merin lah 1 jam nunggu, Merin belum juge balik. Ditelepon nomor Merin dide aktif.
"Jam berape Merin balik kekire?" tanye Pak Beluk.
"Dide keruan aku kang, cube telepon agi," kate Ujang Kricup.
"Dide aktif," kate Pak Beluk.
"Cube bongkarlah ulih kaba," sambung Pak Beluk.
"Kite ujikan kalu percaye," jawab Ujang.
"Percaye pecilah," balas Pak Beluk.
Singkat cerita akhirnye motor Pak Beluk lah udim dibongkar dan disusun. Waktu ngujinye motor Pak Beluk ayinnye bejalan maju tapi mundur.
"Ai luk mane ini, ngpe jalan mundur ce," kate Pak Beluk.
"Ai mak, mungkin motor kaba ni memang rusak ce," jawab Ujang.
"Justru itulah aku, masuk bengkel make dide rusak, kaba ni baru kali inilah bongkar ape lah sering" tegas Pak Beluk.
- Tag
- Share
-
-
