Gawe Bapang
Pak Beluk--
BELUM lame ini Yung Pantit dibatak beubat ke dokter, karene burungnye dipatuk ayam. Yung Pantit masih kelas 3 SD ini rajin nihan mainkah ayam bangkok. Anye saje Yung Pantit lagi sial, sebab die abis makan pule.
Singkat ceritenya Yung Pantit bekabar dengan pamannye Merin.
“Aku mpai udim dipantuk ayam bangkok paman,” uji Yung Pantit
“Ngape banyak nihan kerjean kaban Yung. Bapang mu lagi ke kebun pule, kabah dipantuk ayam,” timbal Merin
“Dide aku minta dipantuk ayam paman, anye ayam Bangkok aku pantuk burung akuni,” timbal Yung Pantit agi
“Ngape pule sampai pacak burungmu dipantuk ayam tu. Burung mane pule dipantuk ini,” jawab Merin.
“Burung pusake bapang paman, mbak lum masih keciak,” timbal Yung Pantit agi
“Ape pule sebabnye pacak burung pacak dipantuk ayamtu bukan dide becelane,” jawab Merin.
“Au paman de becelane udim makan pule, jadi ade nasi nimpel diburung,” uji Yung Pantit.
“Amen lain kali pakai celane mpuak mu masih kecik, jangan banyak nihan niru gawe bapangmu,” saran Merin.
Yung Pantit bingung, sebab die dide keruan sipat bapangnye waktu kecil.
- Tag
- Share
-
-
