Buyan Beulah

BELUM lame ini, Mak Beluk ini ngeluh, b0lander yang digunekan untuk giling cabI rusak. Sementara ndung Yung dide galak  kalu pakai cabe gilingan tangan. Tepakse Pak Beluk belanje online. Waktu sedang skrol-skrol di aplikasi belanje online. Pak Beluk adelah nemu sikuk blander. Blandernye ini bentuknye gagah dan lumayan besak jenisnya. 

"Ini ye mantap blander," kate Pak Beluk

Karena keringanan mesanlah Pak Beluk ini dide sepengetahuan bininya, pikir kenan ini untuk kejutan. Kelalu kele ade bonus juge njak ndung Yung. 

"Na memudahkan riang ndung Yung kele kalaulah sampai," kate Pak Beluk dalam hati.

Singkat cerita, pesanan ini datanglah. Pak Beluk langsung ngenjukah paketan ke bininye dengan bangga, kenan dide mbukaknya.

"Tuape ini yah," tanye ndung Yung tekejut. 

"Cube bukaklah, memudahkan kabah riang," jawab Pak Beluk.

Nah waktu dibuka, ndung Yung ukan riang tapi, emosi dengan Pak Beluk.

"Untuk ape agi kaba mesan mesin ini, di ghumah lah ade besak temampang. Acak kaba belikah blander, kan lah udim aku kicikah kemari itu blander rusak. Ayinnye mikir beli blander, malah beli ye aneh-ane," jijih ndung Yung.

"Itu blander bukaklah kudai," jawab Pak Beluk.

"Mate mate mu pecah bola, ini mesin cuci kecik," pungkas ndung Yung.

"Ai salah pesan aku ni," jawab Pak Beluk.

"Untung saje dide salah bibai kamu ini, itulah die jangan buyan beulah," pungkasnye.