Gegare Bedak
Pak Beluk--
NDUNG YUNG ndak nyambut tahun baru beli bedak ye mahal dengan model jeme kekinian, online. Pakai sistem COD nian. Pas sampai bedak, kenan malamnye kah jejalana dengan Pak Beluk, lakinye.
Lah setengah jam Pak Beluk dengan Yung nunggu endungnye, lum kinak udim bebedak.
“Yung cube kinak kudai endung kabah, lame tegalau bedandan itu,” kate Pak Beluk.
“Mak, malah lah malam,” panggil Yung.
“Au kudai negal agi,” jawan Endungnye.
Pas keluar kamar, tekinak bedak endung Yung yang bebeda.
“Lukmane penapilan aku, aman dandan luk ini,” kate bininya.
“Yak alap katah, model peri masuk dusun,” jawab Pak Beluk.
“Kekire aman luk ini, dandanan umur beghape,” tanye ndung Yung PD.
“Untuk bedak umur 20 tahun, baju 18 tahun penampilan 20 tahun,” kate Pak Beluk.
Nganingkah pujian Pak Beluk, endung Yung tambah PD nian.
“Malah kite pegi,” kate endung Yung.
“Kudai lum udim penilaian ni tadi. Tapi aku tambahkan kudai, anye kalau keserasian dandangan gegalenye umur 58 tahun,” kate Pak Beluk.
Nganingkah luk itu endung Yung merengut.
- Tag
- Share
-
-
