Sege Njadi Jeme

YUNG Pantit kini makin rajin nian sekol.

Yung mulai sadar, untuk mengapi cita-cita harus pintar.

“Yung kini makin rajin dan disiplin,” kate guru Yung.

“Ini jadi contoh yang baik bagi anak-anak yang lain,” sambung Guru Yung.

Abis pelajaran Bahasa Indonesia, Yung istirahat.

Sedang istirahat, kance Yung betanye “Kabah lah rajin nian kini, bahkan dipuji guru pule,” kate kance Yung.

“Au kance, aman endik rajin luk mane nak pintar dan luk mane nak gapai cite-cite,” jawab Yung.

“Ape pule cite-cite kabah,” tanye kance Yung.

“Aku anak jadi pak Polisi,” jawab Yung.

“Aman aku jadi kele, segele kejahatan nak ku tindak,” sambung Yung.

“Yak mantap cite-cite kabah,” kate kance Yung.

“Kalau aku jadi pejabat kele, lalau korupsi masih kabah nagkap aku,” tanye kence Yung.

“Yak penegak hukum itu ndik pandang bulu, kance, sanak aman salah harus ditindak. Namenye penegak hukum, jadi hukum itu betegak. Dide miring ke kiri dan kanan. Hukum itu lughus,” jawab Yung.

“Mudah-mudahan kabah kele jadi, aman penegak hukum luk kabah kele mantap nian. Tapi jangan hanye sebatas cecite saje. Sebab kini, sege njadi jeme, banyak tu jejemean,” jawab kance Yung sambil kisit.