Tebelut Ijat

Reporter: Rohidi Effendi |

Editor: Dedi Julizar |

Minggu , 10 Nov 2024 - 20:57

Pak Beluk--

tebelut ijat                            malam kemaghi pak beluk becekil kecik dengan bininye ndung yung. die bedue ni ribut gegara pak beluk maju ndak main dom (domino, red).
sebab, lah seminggu dadat ini ndik keruan malam ngan siang, pak beluk main dom tula di ghumah dengan kawan-kawannye.
karne lah rengam nian nginak tingkah lakinye tu, jadi gawih ndung yung digulaikan die dom tula.
pas pak beluk ndak makan, bukan main kenan tekejut nginak gulai kuah pedas rupenye isinye dom gale.
"tape gulai ndung yung," tanye pak beluk.
"kinakilah di tukup tudung tula," jawab ndung yung singkat.
pas pak beluk nginak gulai kuah pedas, langsung ngambik nasi sepiring penuh.
anye kenan lum keruan tape isi gulai kuah pedas tu. pas di ciduk, terkejut bukan main pak beluk nginak gulai isinye dom gale.
"yak luk ape kamu ni ndung yung, tape maksud kamu ni. nge ngape dom nila kamu gulaikah," pak beluk bejijih.
"itulah jangan neman ige. mane ndak begulai alap amun tiap agi ndik keruan jalan asing, lain ngijeka main dom tula," timbal ndung yung panjang libagh.
"jadi rupikilah ngan kamu. amun dide kah ngubah, ke maju aku nggulaika batu dom tula," kate ndung yung agi.
"ntuk adak balak gawih ni. kecul amun luk ini," pikir hati pak beluk.
"ngape diam. makanlah dom tula," ndung yung maju semamam.
"anu, dide agi nian sayang. anye tolong gulai kudai. perut aku ni lah lapagh nian. kalau gulai ini pacak tebelut ijatnye aku," pak beluk merayu.
"pagi pule nggulai agi. mbak ini makanlah kudai itu," cetus ndung yung.
"ai cacam ai. nasib badan uii aii, dide temakan kate sayang," kate pak beluk sambil nyuap nasi bangke.*

Tag

Share

Koran Terkait

Kembali ke koran edisi Radar Kaur, Senin 11 November 2024

Berita Terkini

Berita Terpopuler

Berita Pilihan