Ketu Bujang

Pak Beluk ditunjuk dan disepakati jadi ketua bujang. Sebab bujang paling tuhe di dusun yang belum betunaan cuma Pak Beluk. Ditambah ble ini memang disegani oleh bujang gadis di dusun.

"Kawan-kawan, berhubung ketua bujang kite ini lah ndak betunaan. Iluk mane kalu ketua bujang kite pilih Pak Beluk. Siape yang setuju silahkan angkat tangan," kate wakil ketua bujang.

Belum Puput kicikan wakil ketua bujang, bujang gadis yang kumpul ini langsung angkat tangan. Tande setuju Pak Beluk jadi ketua bujang.

"Aku dide sanggup, cakarlah asing kudai," tolak Pak Beluk.

"Kawan-kawan bujang gadis lah sepakat kamu jadi ketua bujang, kalu dide galak nikah mangkenye," jawab Wakil Ketua Bujang.

"Iyaak, kalu kaba sanggup biayai aku, kalu udim nikah melah pule," jawab Pak Beluk.

"Kaba yang nikah aku yang repotnya, kalu dide galak jadi ketua bujang, nikah mangkenye. Kalu belum galak ikuti kesepakatan bujang gadis," sekak Wakil Ketua Bujang.

"Ade kalu galak, betine ce. Lah siap nikah tinggal di kamu tulah agi galak ape dide," sambung Merin.

"Udimlah kudai, meningkankan palak saje kaba tu," jawab Pak Beluk.

"Kalu galak, kalu dide udim," jawab Merin.

"Na, tuape agi siape tahu galak Pak Beluk ini  ce, sebutkanlah kudai jeme mane," balas Wakil Ketua Bujang.

"Dengan nenek ku kalu kaba galak," jawab Merin sambil ketawe.