Kesayangan Guru

PAK Beluk udim makan duduk di berande depan ghumah. Sedang santai, tetibe kawan setianye Merin sampai.

“Ape kulahan Bapang Yung,” tanye Merin.

“Nide, santai sambil ngupi,” jawab Pak Beluk.

“Apa luka kite ndalak duit ini,” kate Merin.

“Entah tampaknye sege saje mbak ini,” jawab Pak Beluk.

“Lukmane jeme mudah benagh dapat lukak itu,” kate Merin.

“Balak, jodoh, rezeki lah diatur tuhan,” jawab Pak Beluk.

“Buktinye, presidin kite saje kite kini empai duduk empat kali calon,” jawab Pak Beluk santai.

“Yak tambah pintar saje kabah,” jawab Merin.

“Endik salah kabah, itulah tergantung tuah tulah,” kate Merin.

“Nah keruan kabah, maksut aku lukak kite itu lah dinjuk tuhan, kite kejar-kejar endik juge dapat dengan kite, jadi kite pacak usahe saje,” kate Pak Beluk.

“Masalahnye tadi aku nonton pelantikan Presiden kite,” kate Pak Beluk sambil tetawe. 

“Cacam, kabah ni kini semenjak galak nonton Tv lah pintar,” kate Merin nyindiri kantinnye.

Agak tekejut juge Pak Beluk nganing sindiran Merin. Kenan mulai kah mbalas “Yak pintar lame, sekol dide murid kesayangan guru. Tiap tahun dulu naik terus, walau ukan rengking. Ukan model kantin aku tamat SD 10 tahun”.