Kucing Garong

SELAIN masih asik di hobi ngingun ayam. Pak Beluk kini die punye hobi baru, ngingun kucing. 

Karne dang asik benagh nga hobi baru ini. Hampir 60 persen waktu Pak Beluk di ghumah dihabiskan nga kucing ingunannye, ade kucingnye die enjuk name Kokom itu. 

Bahkan lebih alainye lagi. Kucing itu kadang dipanggil nak nga Pak Beluk. Ini membuat kecemburuan di dalam anak semate wayangnye,  Yung Pantit. 

"Adak bak jadilah pule. Lah neman benagh nga kucing. Makan vour terus kucing tu. Aku makan ikan asin," kate Yung Pantit lah mulai rengam nga ulah bapangnye.

"Kokom ni kan lagi masa pertumbuhan. Jadi butuh banyak protein mangke tumbuh maksimal. Kalau kabah jadilah ikan asin. Tinggi pule nilai proteinnye tu," jawab Pak Beluk beralasan. 

"Ai samelah kamu ni, bak. Sayanglah nga kucing dari pada nga aku," jawab Yung Pantit. 

"Sayang gale aku tu. Anye memang Kokom ni lagi butuh banyak perhatian," jelas Pak Beluk. 

Mak Beluk ye mpai keluar njak dapur lalu menimpali, "Dide ndak diijekah nian bapang kaba tu Yung. Lah jadi kucing die bapang kaba tu. Kucing Garong".

"Nah ngape angkan luk itu mak," tanye Yung Pantit. 

"Duit di rekening diam-diam lah ade ye narik Rp 300 ribu. Cengki kucing garong ye bename Pak Beluk ye nariknye. Lah urung nian aku kah beli skincare," Mak Beluk bejijih. 

Dengar bininye bejijih. Dalam hati Pak Beluk ngicik, "Bejijihlah kamu. Duit tu lah ku belikah nga Pancing. Urung dengah beli skincare".