Angan – angan Kandas

SAMBIL makan akap, Mak Beluk betanye nga Pak Beluk kapan die gajian. Sebab, kini keadaannye lah mendesak. Sebab persediaan dapur plus skincare Mak Beluk lah antkah habis. 

"Kebile kamu gajian Bapang Yung," tanye Mak Beluk 'mbuka percakapan. 

"Cak minggu belakang lah ku enjukkah nga kamu. Berarti gi lame agi aku ni gajian," jelas Pak Beluk. 

"Ohh. Amu duit ye di bawah TV tu duit ape," tanye Mak Beluk agi. 

"Itu duit sial," jawab Pak Beluk singkat. 

"Nah. Ngape pule itu duit sial," Mak Beluk betanye agi. 

"Memang duit sial itu. Lah ku bajikkah teteguh masih kina keruan nga dengah. Sial nian berarti duit tu," kate Pak Beluk lesu. 

"Hahaha. Kurang teguh kamu bajikkah nye tu. Mangke nak kemane kamu nyibunkah masih kah keruan nga aku," kate Mak Beluk penuh kemenangan. 

"Ku belikah skincare nga bedak aku awah. Lah emergency nian tini," kate Mak Beluk agi. 

"Adak urung nian aku ni beli pancing baru ni Amu duit tu nak kamu pakai beli bedak," kate Pak Beluk. 

"Pancing tu dide penting nian. Bedak nga skincare aku ni kebutuhan mendesak. Lah emergency," jelas Mak Beluk. 

"Ude gilah pakailah. Anye sisa kah aku batan beli rokok nga bensin," kate Pak Beluk lesu karene angan - angan die nak beli pancing baru lah kandas.