Ndik Pacak Bace

ndik pacak bace belum lame ini pak beluk riang nian. batang pisang dekat kebunnye bakal habis gale, lah dipecinye dengan racun pisang.  batang pisang punye tetangge kebunnye lah banyak nian. mangke pak beluk racun gale, tapi lah pamit dengan penunggu kebun tu. iluak ini singkat ceritenye. “merin, pisang tetangge kebun aku lah udim aku racun gale,” uji pak beluk “yak kalu kene marahmu basing saje meracun hak jeme,” timbal merin “lah udim aku ni pamit ngan penunggu kebun tu, katenye bunuhlah gale,” jawab pak beluk “mangke mati gale batang pisang tu?” timbal merin “aseku, namenye lah diracun jangan batang pisang, jeme pacak mati,” uji pak beluk “cube kite kinak kudai batang pisang udim diracun tu,” kate merin penasaran.1 “ok pagi kite kinai gale,” uji pak beluk   pas lah nginak. “ngape tambah subur pisang ni, kalu pupuk kaba siramkan, bukan racun,” kate merin. “ai ngape tambah suburni, lah masak pule buah pisang ni,” uji pak beluk keanehan. “mu beli racuntu, mu bace kudai batan ape,” merin ngenjuk masukan. “ndik pacak bace aku ni merin, kate penjage toko tu racun pisang,” timbal pak beluk. “pacak saje die ngiciak itu, mungkin racun lagi habis mangke die njukmu pupuk pisang. kabah kan de pacak bacenye,” timbal merin “ai cacam merin micut amen ndik pacak bace ni, pacak salah gale kerje aku ni,” pak beluk kesal. “kele jeme ghmah mu ngajung tande tangan, pacak die ndak belaki lagi, mane kaba tahu amen ndik pacak bace. pacak ade kawan mu bedehem,” timbal merin sambil tetawe surang

Tag

Share

• 
• 
• 
• 
•