Sayang Tepelalu

NDUNG Yung sedang dide nian selire makan, sebab kenan sedang idapan gigi sakik. Anye waktu kenan gigi sakit ini, Pak Beluk dengan Yung bepanrtak makanan ye ngundang selire nian. Ndung Yung purik nian dengan anak ngah lakinye, semingge protes.

“Kalau jeme sedang idapan di ghumah, kamu bedue ini harus prihatin kudai. Jangan kamu bedue makan ye lelemak nian, itu nyikse aku,” kate ndungt Yung kelas.

Timbal Yung “Yak lukmane ndung, kami  ini sehat. Aku rase dide ngengape ndung makan ye kami beli ini”.

Agak ringam ndungnye “Oiii kabah, kalau aku dide gigi sakit. Tentu lah makannye ye kabah beli tu. Tapi lukmane die aku nggigit makanan itu, sebab gigi aku ini dide pacak dilagkah. Kalau beradu sakit tegalau, jangan asal sebut saje kabah Yung. Aku ini ndung kabah, jeme tue kabah”.

Ngikinak ndungnye lah ngamuk model sapi kerbai beranak mude Yung Pantit mendam. Tapi belum lame die ngicik agi “Ade akalnye ndung, ndung tinggal bukak mulut saje. Kele aku iris kecik – kecik makanan ini. Supaye ndung lemak langsung neguknye, jangan dikunyah. Pasti dide ade masalah dengan gigi ndung ye bidapan itu”.

Nganing kicik anaknye, agak teiris juge hati bini Pak Beluk. Sebab anaknye ye lebuk tepikir supaye die pacak makanye. Anye kenan dide berani, sebab makanan laki dengan anaknye ini manis, bakal mbuat giginye makin sakik kele. Tapi die dide matahkah semangat anaknye, masih ngicik “Dide ade rasenye makanann itu kalau diteguk Yung. Jadi dide lemak juge,mendingan biarlah saje. Sebab makanan itu ade rasenye kalau dikunyah, akan terase dilidah”.

Nganing kicik ndungnye mbak itu, Yung mulai mendam jerang  “Ade care ndung, kalau aku masih lebuh. Belum kuat nian, aku pantau bapang. Kele makanan ini bapang ye kunyahkan, udim tu ndung neruskah makanan ye lah dikunyah bapang. Pasti dide sare agi gigi ndung ye sakit tu”.

Nganing kicik anaknnye, bini Pak Beluk lah bebegau “Udimlah Yung, kabah ini ngakali aku ape sayang tepelalu. Dide dege aku makan ye makanan lah dikunyah bapang kabah. Pacak keracunan aku, bisa gale dalam mulut bapang kabah tu” .