Makanan Langka
Pak Beluk--
PAK BELUK dengan Endung Yung diajak Yung jalan-jalan.
"Bapang malah kite beghusik kudai ke Bintuhan, kate jeme alap-alap wisata disitu. Jadilah kudai diam di ulu ayik ni," kate Yung ngajak bapangnye.
Dengah kicikan Yung, Endungnya langsung nyambung.
"Yak lah benagh nian kicikan Yung itu," kate Endung Yung.
Anginkah ajakan jeme dua beranak ini Pak tinggal tependam saje, sebab dalam ati kenan ceki tiwas besak kele belanje ini. Ndik kurang hasil kerje sebulan habis dipantak seaghi.
"Luk ape Bapang, kebile kite jalan-jalan luk jeme itu," Yung nanye agi.
"Kudai udim kan kudai musim kawe ni," jawab Pak Beluk.
Singkat cerita, musim kawe udim pegilah jalan-jalan tige beghanak ke wisata pantai Linau.
Sampai badah wisata, empai duduk di kursi, pelayan warung sampai.
"Izin pak minum apa dan makan apa," tanye pelayan.
"Yak hebat jeme sini, empai duduk lah ditawari," dalam ati Pak Beluk.
"Ape makanan dan minuman ye ade," jawab Pak Beluk.
"Untuk makanan baru ada seblak, minuman berbagai jus," jawab tukang warung.
"Yak ape pule makanan seblak ni," dalam ati Pak Beluk penasaran .
- Tag
- Share
-
-
