Advertisement Google

Bayak Gaya

Reporter: Rohidi Effendi |

Editor: Dedi Julizar |

Selasa , 23 Jul 2024 - 20:29

Pak Beluk--

bayak gaya                            lum lame ni pak beluk ngajaki kancenye merin pegi nonton balapan motor resmi.
anye, pas diajaki merin ngicik sedang ndik bedie tanci, jadi dide pacak ndak nonton.
tapi, karne pak beluk ngicik aman gale, jadi merin ngikut saje ajakan kancenye tu.
singkat cerite pas lah di jalan, merin mastika agi luk ape care masuk kele.
"kudai ce, serius aku tu, luk ape kite masui kele. soalnye aku dide nian bedie tanci. sebab, ndak masuk tu kan harus bayar karcis," tanye merin.
"ui dediamlah kaba tu ce, pacak aku urusan itu. gampang gale itu kele," jawab pak beluk pede nian.
anye pas lah sampai ke pintu masuk badah nonton tu, due sekawan ni lah kene hadang nian ngan petugas.
"maaf pak, sudah ada tiketnya. kalau belum harus beli tiket dulu," tanye petugas.
"ndik ape pule mbayar kapuh, baseka sirkuit ni punye kanceku," timbal pak beluk luk padek nian.
"waduh, gimana maskudnya pak," petugas bingung.
"ui baseka sirkuit ni ndak pak bupati, nah bupati tu kanceku nian. tadi lah udim aku ngicik ngan die, katenye masuk saje," pak beluk ngangat.
"mana buktinya kalau ada perintah bupati pak," tanye petugas.
"wai buyan kamu ni, alah kesege pule. aku tadi ngicik langsung, jadi dide bedie buktinye," pak beluk tambah ngangat.
"maaf pak, kalau gitu kamu belum bisa masuk," kate petugas.
karne lah ringam nginak perembak pak beluk, langsung turun merin njak motor.
"kudai berape pule karcisnye ni pak," tanye merin.
"50 kalau dua orang pak," jawab petugas.
"ude ini nah tancinye," uji merin.
"tape die luk padek nian. amun dide betanci jangan ngajak jeme bapang yung. maluka saje kamu ni," merin marahi pak beluk.
"yak kan lah ku kicikka bupati tu kanceku, jadi ngape pule ndak mbayar nian. petugas tu ye buyan," pak beluk nggub kilah kalah.
"hui, amun ijean ye luk ini ndik bedie urusan ngan bupati atau sape. jeme nggelar acara ni betanci," merin ngiciki pak beluk.
"ui luk itu ce," timbal pak beluk.
"awak sare banyak gaya basekah kaba tu. ude melah masuk. nyesal pule aku bekawan ngan kaba ni," kate merin.

Tag

Share

Koran Terkait

Kembali ke koran edisi Radar Kaur, Rabu 24 Juli 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan