Salah Semprot

Reporter: Bahman Hadi |

Editor: Dedi Julizar |

Senin , 08 Jul 2024 - 21:49

Pak Beluk--

salah semprot                            belum lame ini pak beluk maluan nian dengan mering dan kancennye. sebab parfumnye die pakai lagi acara pesta aromanye madak nian, baunye teangit.
singkat cerite, pak beluk ndak pegi acara pesta kancennye. mbak lum lah lame dide betunggal, pak beluk peci udim pakaian die. baju, celane alap
temasuk dengan sepatu mengkilapnye. lah udim gale stil habistu, pak beluk pakai parfum, anye die salah semprot. yang disemprotkannye mainan yung pantit aik rebusan jeghing batan mainan di sekolahnye dengan kancennye.
saking semangat pak beluk udim semprotkan mainan yung, langsung berangkat dengan gerude kesayangannye.
lah lame bejalan, pak beluk sampai diacara pesta kancennye.
"rami ini merin acara pesta ni," uji pak beluk
"au pak beluk, alangka gagahnye mu saghini, bukan main pakaian ni," timbal merin.
"biase saje merin, amen pegi jangan kalah segek. amen tanci urusan belakang," uji pak beluk agi
"au, de kah mungkin jeme nanye tanci begape banyak, penting pakaian nicis," jawab merin
"aku ndak nyanyi sebatang lagu merin, kekance lame ndak diajak gale naik atas panggung," uji pak beluk
"kite panggil, aman mc nye jeme kite gale," timbal merin
belum lame pak beluk naik panggung ndak nyanyi sebatang lagu. mulailah pak beluk manggil kance banyaktu sambil bejoget.
"pak beluk ngape bajumuni aromanye aik ghebusan air jering," uji merin
"dide merin. salah kabah, kalu tukang pukul gendangtu bawak jering," timbal pak beluk.
"serius pak beluk kance banyakni lah pusing gale dengan tukang musikni lah bene, aroma ghebusan jering nian," uji merin agi.
diciumnye nian dengan pak beluk bajunye, benag nian aromanye jeghing nian.
mulailah pak beluk tambah pede saje, ganti lagu dengan lagu rebusan jering mangke tambah jadi. 
kate pak beluk sambil joget dengan lagunye, rebusan jering, rebusan jering.
jawab kancenye banyak tu, baju kamu pakai jering pak beluk.
lanjut agi pak beluk, rebusan jering, rebusan jering. jawab kancenye agi serentak, rebusan jering baju pak beluk pakai.
langsung saje pak beluk pamit balik dengan merin. die maluan ngape parfumni aroma jering.
balik pak beluk, pas sampai ke rumah, yung pantit langsung saje manggil.
"mak yung, ngape bajuni aroma jeghing," kate pak beluk.
"de, pak beluk lah dicuci bersih itu," jawab ndung yung pantit.
tegauk saje yung pantit manggil bapangnye. "babang tu salah semprot parfum. yang disprotkantu mainan aku di sekol, aik rebusan jering," uji yung
" pantas nihan yung, bapangni dipanggil jering pesta tadi, kire bapak ngajung ganti lagu jering," timbal pak beluk sambil ngusuk kening itam.

Tag

Share

Koran Terkait

Kembali ke koran edisi Radar Kaur, Selasa 9 Juli 2024

Berita Terkini

Berita Terpopuler

Berita Pilihan