Tarap Tabuhan

Reporter: Bahman Hadi |

Editor: Daspan Haryadi |

Kamis , 16 May 2024 - 17:41

Pak Beluk--

tarap tabuhan                            belum lame ini pak beluk kene tarap dengan tabuhan atau tawon. singgenye muke tinggal iluak redap, kancenye merin tukang kibul hampir de cinung agi pak beluk.
singkat cerite iluak ni penyebab muke pak beluk bengkak di rumah merin.
“merin ape lukak mu kini?” kate pak beluk.
“biase, same iluak aghi kemaghi lah,” timbal merin
“kalu kemaghi hujan kini de, mase same,” timbal pak beluk agi.
“ape lukak kerjeni batan malamkah aghi. ade mu lukak pak beluk?” tanye balik merin.
“kalu kini belum ade. mungkin lah seminggu agi mpai ade kerjeoan,” jawab pak beluk.
“amen mu lum ade kerjean, aku unjuk kerjean cete,” saran merin.
pak beluk langsung  betegak. 
“amen kerjean lemak, kini jadi siap laksanakan,” uji pak beluk.
“ade kerjean, lukak ngintipkah jeme ade lagi becinta. biasenye tiap malam minggu die datang samping rumah aku nilah,” kate merin agi.
mulai lah pak beluk besiap, pas malam minggu. pamit dengan ndung yung pantit, ndak keluar jerang beli batan udutan. anye kate ndung yung ati-ati, kalu de tau jalan balik agi keletu.
pak beluk lum lame lah sampai lagi ke rumah merin. ndak siap ngintip tetangge merin lagi becinta. dalam ati merin, pas saje bawah rumahtu ade sarang tabuhan besak. amen malam ceki de kinak dengan die.
mulailah pak beluk ngintip dengan merin. anye kate merin paling depan pak beluk. 
“aku jarak jauh saje, aku lah pernah nginaknye,” kate merin.
pak beluk semangat nihan ngintip, belum lame tu, ade bunyi-bunyi. kire pak beluk lagi begasak yang diintipnye, kirenye bunyi tabuhan.
belum lame pak beluk ngintip tesantuk dengan saghang tabuan. mulailah pak beluk tegaik peci udim sambil belaghi. mukenye dijadikan bulan-bulanan dengan tabuhan.
“cacam merin, ngape sakit gale muke ni,”kate pak beluk.
“biase pak beluk, minggu mpaini aku udim ditarap tabuhan bawah rumah tetangge. gara-gara ngintip tu, kini giliranmu,” jawab merin.
“bukan ndak lemak ini merin, ndak bunuh,” jawab pak beluk sambil tegaik kesakitan. 
“lah betul nian kate ndung yung tadi. lupe jalan balik, de kinaan lagi jalan balik amen iluak ini bentuknye,” ujia pak beluk dalam ati. (man)

Tag

Share

Koran Terkait

Kembali ke koran edisi Radar Kaur, Jumat 17 Mei 2024

Berita Terkini

Berita Terpopuler

Berita Pilihan