Advertisement Google

Kalah Calak

Reporter: Rohidi Effendi |

Editor: Dedi Julizar |

Selasa , 14 May 2024 - 19:06

Pak Beluk--

kalah calak                            belum lame ni pak beluk dapat tugas njak badah kerjenye, pegi ke luar kota selame seminggu.
maklum, karne pak beluk ni cemburuan, jadi tiap aghi tiap malam kenan nelpon bininye ndung yung.
singkat cerite, pas seaghi lah sampai di luar kota, pak beluk langsung nelpon bininye.
"halo, di mane kamu ndung yung," tanye pak beluk.
"di ghumah," timbal ndung yung.
"amun di ghumah nian, cube kaba idupka kudai blender," kate pak beluk.
"nah mase ndik kina percaye," uji ndung yung sambil ngidupkah blander.
pas pagi aghinye, pak beluk ngulang nelpon bininye agi.
"di mane kamu ndung yung," tanye pak beluk ditelpon.
"di ghumah, kah kemane pule aku," timbal ndung yung agak purik.
"ah, cube kaba idupka kudai agi blander," pak beluk lum percaye.
"nah, nah dengarilah. mase ndik kilah percaye ngan bini bai," jawab ndung yung.
tiap aghi tiap malam selame di luar kota tu pak beluk maju nelponi bininye.
setiap nelpon pak beluk maju ngajung bininye ngidupka blander.
sebab, pikir kenan kalu pacak ngidupka blander lah pasti di ghumah nian.
singkat cerite, pas lah seminggu pak beluk balik njak tugas luar kota tu.
anye pas sampai di rumah, kenan tekejut nginak bininye ndik bedie di ghumah. betanyelah kenan ngan anaknye yung pantit.
"mane ndung kaba yung," tanye pak beluk.
"entah bak, lah seminggu ni pegi sambil mbatak blender," timbal yung.
"aiii cacam, lah ditinggalka jeme ghumah ini. lum calak awak calaklah jeme. kalah calak aku ini," kate pak beluk dalam ati.

Tag

Share

Koran Terkait

Kembali ke koran edisi Radar Kaur, Rabu 15 Mei 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan