Advertisement Google

Jatah Masjid

Reporter: Fenty Purnama Sari |

Editor: Dedi Julizar |

Selasa , 30 Apr 2024 - 21:11

Pak Beluk--

jatah masjid                            lah beberape aghi ini ndung yung ni ndik nginak pak beluk merokok lagi, yang dulunya pak beluk ni perokok berat. karene penasaran, diselidikilah oleh ndung yung gerak gerik pak beluk ni.
"udim makan kabah," tanye ndung yung basa basi.
"au udim, ngape," pak beluk balik tanye.
"ndik, nanye saje. ndikkah lupe kabah udim makan ni ngape agi," kate ndung yung.
karne selame ini kalu udim makan pak beluk ni langsung merokok, pacak abis sampai 3 batang rokok untuk cuci mulut.
"ndik cuci mulut," tanye ndung yung agi.
"yak cuci mulut tape pule, di kulkas ndik ade ape-ape, kalu kabah beli buah au nian pakai cuci mulut," jawab pak beluk.
karene ndung yung ni bingung, ditanyeinye langsunglah pak beluk ni.
"mane rokok kabah?" tanye ndung yung.
"nah itulah kabah ni, ndik nian pengertian ngah laki, sibuk cek out shoppe terus ni," kate pak beluk.
"jeme nanye, malah ngicikkah ye lain," kate ndung yung.
"lah 2 minggu ini aku ndik lagi merokok," kate pak beluk.
"alhamdulillah, hebat nian kabah bapang yung tibe-tibe ndik ngerokok lagi yang awalnye perokok berat. ngape kabah tibe-tibe berenti ngerokok ni?" tanye ndung yung agi.
"masih ngeri aku kalu ingat kancenye ye merin di dusun die tu, ninggal gara-gara merokok," jawab pak beluk.
"nah kan memang rokok tu merusak paru-paru, neman sakitnye?" tanye ndung yung.
"ndik sakit, die tu lagi bemotor sambil merokok, die ni ngiringkah mobil box rokok super, karne kancenye merin ni kencang mobil tu berenti ndik kinakan die, teserudup lah die dalam bawah mobil box rokok super tu," pak beluk njelaskah.
"alhamdulillah," kate ndung yung.
lum selesai ndung yung ngucap langsung dipotong pak beluk.
"jeme tu ninggal uy, malah alhamdulillah,"kate pak beluk.
"astaga bukan alhamdulillah die tu ninggal, tapi alhamdulillah duit rokok kabah pacak ditambahkan beli skincareku," kate ndung yung kesenangan.
“oii kabah, jatah duit rokok aku lah aku jatahkan untuk majid,” katenye.

Tag

Share

Koran Terkait

Kembali ke koran edisi Radar Kaur, Rabu 1 Mei 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan