Advertisement Google

Bulan Penuh Maaf

Reporter: Rohidi Effendi |

Editor: Dedi Julizar |

Sabtu , 30 Mar 2024 - 21:31

Pak Beluk--

bulan penuh maaf                            udim tarawih malam kemaghi, pak beluk beghusik ke rumah kancenye ujang kericup.
singkat cerite, pas lah sampai situ, kenan langsung becerite soal bulan puase ngan kancenye tu.
"lain nian amun bula  puase ni awu ce," kate pak beluk mulai ngicik.
"lain luk ape bapang yung," tanye ujang.
"nyaman nian perasean aku. udim tu terase penuh berkah nian. sebab, segalenye penuh rase maaf-maafan," timbal pak beluk.
"kan memang luk itu nian ce. wajar kite saling maaf-maafan amun  bulan puase ni," kate ujang serius.
"awu ce. contoh saje, tadi pas aku ke atm, mesin atm tu juge mintak maaf," pak beluk becerite agi.
"nah, luk ape ceritenye tu," ujang bingung.
"kate die, maaf saldo anda tidak mencukupi," timbal pak beluk pede.
"yak, wajar pule bapang yung. amun dide beisi atm kaba tu ndak aghi ape saje masih kah luk itulah tulisan die," ujang mulai rengam.
"awu, anye pas aku ndak nelpon tadi. operator telepon juge mintak maaf ngan aku," kate pak beluk agi.
"nah ngape pule operator sangkan mintak maaf ngan kaba," ujang tambah bingung saje.
"pas aku nelpon tadi operator yang jawab, maaf pulsa anda tidak mencukupi," pak beluk njelaska.
"aii bapang yung ai. jeme serius nian tadi. amun sare ndak kebile kilah masih ke luk itulah. banyak ige gayah kaba ni," ujang tambah marah.
"nah itu maskud aku, kekire pacak ndik kaba nulung aku. litak nian ini," pak beluk serius nian kali ini.
"udimlah bapang yung. amun kaba ndak andun minjam tanci, dide ndak panjang libagh dan banyak nian cerite," ujang ngiciki kawanye.
"nah luk ape, syukur nian amun kamu pacak minjami kudai. tambah berkah saje," pak beluk riang.
"awu anye. maaf pule mbak ini aku lum pacak nulung kamu," sintung ujang.
"yang urung berkah amun luk ini, ai ndik masuk bekawan ngan kaba ni. aku ndak balik ai. pagi ndak puase agi," kate pak beluk langsung balik.

Tag

Share

Koran Terkait

Kembali ke koran edisi Radar Kaur, Minggu 31 Maret 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan