Advertisement Google

Galak Ngimbang

Reporter: Rohidi Effendi |

Editor: Daspan Haryadi |

Kamis , 02 Jul 2026 - 17:54

Pak Beluk--

galak ngimbang                            lah 3 hari ni, pak beluk maju mendam di rumah tulah dan dide ke mane-mane.
karne rengam, ndung yung bininye langsung betanye dan marahi pak beluk.
"ui ngape pule kamu mendam saje di rumah ni," tanye ndung yung.
"ndik nginak kamu mateku ni mbengkak ade mbak sayak," timbal pak beluk.
"ya, dide kah ngape nian bai amun pekare mate nila. udim tu mare beobat amun asenye kah ngecul nian," kate ndung yung agi.
"yak samelah bai. itulah aku ndak beobat, anye dide keruan ke mane," pak beluk bingung.
"yak betanye bai. cube betanye ngan ujang tu. kalu die keruan," saran ndung yung.
singkat cerite, karne lah puasan mendam di rumah, pak beluk langsung nelpon dan ngajung ujang ke rumahnye.
pas ujang lah sampai rumah pak beluk, ujang tekejut nginak mate pak beluk lah bengkak gale.
"ampun nian aku ce, lah sakit gale mate ni. bengkak gale kelupak mateku ni. jadi maluan amun ndak ngeluar rumah," kate pak beluk jujur.
"wui ade ubat mate bengkak tu ce," uji ujang ngejuk saran.
"adak tape die titu. kicik kela, lah dide tahan agi nahankah tini ni," timbal pak beluk semangat.
"kaba subuk kah ke reban ayam mate kaba tu," jelas ujang.
"yak bebenar kudai kaba ujang. ubat tape die nyubuk reban kapuh," pak beluk marah.
"ui serius aku tu. jeme mate bengkak tu kan gegara galak ngimbangka jeme. jadi ubatnye ngimbang pule. anye ngimbangkah reban ayam," ujang njelaskah sambil tetawe kecik.
"nah, lasung amun luk itu. udim tu ngape agi," uji pak beluk mulai percaye.
"amun ndak cete nian kaba uliska dikit tai ayam tu guk mate kaba ye bengkak tu. langsung ghadu die kele," ujang maju kelelenyum nahan tetawe.
"ai ndak ngajung tambah sare amun luk itu. bukan die ndak ngubati jeme, mbuyanka kaba ni ujang," pak beluk tambah rengam.
"serius aku tu bai. itulah sangkan jangan galak ngimbangkah jeme bai," cetus ujang.
"yak dide pule amun galak nian. anye ade sekali due ndik sengaje," jawab pak beluk sambil ngusuk palak ndik gatal.
"sape die kamu imbangkah. awak tue ndik nue ni. tageka, untung ndik bute mate luk tai ayam tu," ndung yung langsung marah ndengar lakinye galak ngimbang.*

Tag

Share

Koran Terkait

Kembali ke koran edisi Radar Kaur, Jumat, 3 Juli 2026

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan