Ukan Wajib

ukan wajib pak beluk dengan merin nginak safari ramadan. maklum due bekawani sebagai ketua dan bendahara karang taruna desa. “malam kele, ade bupati anak safari ramadan di masjid kite,” kate merin ngenjuk tahu pak beluk. “yak gilah, masjid itu punye seluruh umat muslim,” jawab pak beluk. “bukan itu maksud aku, kades ngajung datang ke masjid, same-same buka puasa, salat magrib, salat isa dan teraweh,” jelas  merin. “oh...luk itu, agak sege gawe itu,” jawab pak beluk. singkat cerite, tibelah waktunye safari ramadan. udim buke, langsung salat magrib merin dan pak beluk. “kabah ndak teraweh nide?” tanye pak beluk. “kinaklah kele, udimkan makan,” kate merin. udim makan, langsung salat isa dan teraweh. udim salam salat isa, merin keluar masjid dan ngupi, sedangkan pak beluk langung salat terawe. pas salam, nginak merin nide agi ade. “endik salat teraweh kabah?” tanye pak beluk. “nide, kan teraweh itu sunah, bukan wajib,” jawab merin.*

Tag

Share

• 
• 
• 
• 
•