Cecak Kenal

cecak kenal merinlah pede benur ngajak pak beluklah midur.  dalam hari merin, akhir tahun nyatu modal pak beluk tebal, ape agi sawit dengan kebun niur pak beluk radu panen. "keluar kite ce, pakai motor ku," kate merin  "ke mane," balas pak beluk. "kite refreshing kudai," balas merin "oke jenguk aku," balas pak beluk. singkat cerite, pak beluk dengan merinlah sampai di warung nongkrong. merin mesan kopi hangat, ubi kayu bakar.  "mu mesan ape ce," tanye merin. "samekan saje," balas pak beluk  karene lah jam 12 malam. merin ngajak pak beluk balik, sebelum balik, merin nanye pak beluk. "ce aku de bawe tanci, tolong bayari kudai kelak," kate merin. "ai mak, same aku juge. ade sangke ku mu yang bandar, ku inak pede benur mesan mu," balas pak beluk. "aiiii, ade sangke ku mu bawe tanci, karena niur dengan sawit mu radu panen," balas merin. "aii, jadi luk mane ini ce," kate pak beluk. singkat cerite, ngerase buntu hakal. karena endak bayar tanci de mbawe, pak beluk icak-icak kenal dengan hempu warung itu. kebetulan di spanduk itu ade name facebook dan instagram yang punye usahe taroklah namenye "fernanda" "yukk, kami tadi kopi dengan ubi bayar, lah radu ngicik dengan dang nando. katenye padaklah bayar ngicik dengan kasir saje," kate pak beluk ngicik dengan pede. "haaaa? nando mane, usahe ini ayin untuk nando agi, kini untuk aku lah ade sebulan ini. spanduknye memang de aku rubah, jadi de ade hubungannye dan de ade gratisan. pesanan kuti 50 ribu," kate kasir warung.*

Tag

Share

• 
• 
• 
• 
•