Lele Subuh

lele subuh belum lameni pak beluk riang nianan, die dapat ikan lele di jalan, ade cak 20 ekor. lele besak-besak panjang pule. iluk ini singkat ceritenye dengan kancenye merin. "aku udim salat subuh kemaghi dapat ikan lele," uji pak beluk. "iluak mane pacak dapat ikan lele," jawab merin. "ade nian, de pule ndak banyak cerite," timbal pak beluk. "amenmu de cerite, ceki maling itu pak beluk, pacak kene tangkap dengan pelisi," uji merin. "yak de maling merin, halal aku dapat ikan lele tu, lemak saje ngiciak maling," timbal pak beluk. "amen de maling dimane mu dapat pak beluk, ikan tu di sungai, di kolam sege nangkapnye," uji merin agi. "ikan lele tu aku dapat di jalan merin, pas udim salat subuh," timbal pak beluk agi. "iluak mane pule ikan di jalan pak beluk, ikan idup tu di ayik," merin jawab agi. "oi merin, ikan tu umban jak mutur jeme ndak batak ke pasar, anye pas depan jalan masjid, ikan tu umbanan," uji pak beluk. "oh, ngape de mu panggil muturnye umban ikan tu," timbal merin. "de kumanggilnye, namenye rezeki salat subuh banyak nihan, benagh kate nek bangun tu subuh rezeki tu lah nunggu di jalan. kali ini nyantuak banyak, jadia dapat ikan lele aman gulai seminggu,"  uji pak beluk. "oi pak beluk amen tekinak jeme umbanan ikan, sayur dll jak mutur, panggil jemetu, mangke pacak die ambik agi, beli jemetu batan jualan pule," jawab merin. "de ngape merin sekali-kali, itu namenye rezeki subuh, lain kali amen batak ikan, sayur ndak jualan ke pasar, ikatkah nihan mangke de umbanan," saran pak beluk. "au nian ujimu pak beluk, amen de kuat ikatnye, pacak umbanan jadi rezeki jeme di jalan. pintar mu kini jak makan ikan banyak," timbal merin. *

Tag

Share

• 
• 
• 
• 
•