Advertisement Google

Pantangan Bayar Niat

Reporter: Bahman Hadi |

Editor: Daspan Haryadi |

Kamis , 15 Feb 2024 - 18:31

Pak Beluk--

pantangan bayar niat                            belum lame ini pak beluk sekeluarga bayar niat sembelih kambing. bayar niat dapat rezeki, kebun kopinye banyak hasil, tambah hargenye naik nihan.
singkat cerite, belum lameni pak beluk datang ke rumah merin. kali ini de urusan bisnis, melainkan urusan bayar niat. pak beluk pakai kaca mate hitam, celane levis kembang bagian bawah tu. peci udim gayanye.
“merin, kedatangan akuni ndak bayar niat,” kate pak beluk.
“niat ape pule mu ndak sampaikan nihan iluak penting nihan?” timbal merin.
baca juga:guru wajib tahu, inilah tujuan ikut tes cgp
“ade nihan merin, aku ni lagi dapat rezeki nomplok,” jawab pak beluk agi.
“seriuslah pak beluk, mangke pacak diurusi niat mu itu,” timbal merin agi.
“aku ni dapat hasil panen buah kopi banyak nihan,” uji pak beluk sambil besiul.
“ngape mu diam saje, kalu ade kebun de pernah cerite,” jawab merin sambil ngusuk kening.
“biaselah kalu urusan tanci masuk, aku ni banyak diam saje,” uji pak beluk agi.
baca juga:tempa guru modern, sdn 14 kaur lakukan pra observasi 
“jadi niat iluak mane pacak diselesaikan itu,” timbal merin tegasnye.
“niat ni,…. sembelih kambing sikuk saje,” uji pak beluk.
“kebile rencanenye?” timbal pak merin.
“kalu lah bulat tekad, jangan diurungkan agi,” jawab merin.
“tapi sembelih kambing dengan doa ni di kebun mangke cete,” uji pak beluk.
“di mane saje, tapi sampaikan dengan adik sanak waktu acaranye,” uji merin.
baca juga:inilah alasan pentingnya murid mengikuti ekstrakurikuler di sekolah
udim ngobrol, pak beluk langsung nempecit balik. beije dengan ndung yung pantit. lah sepakat betige beranak tu dan kambing juge lah siap.
mulailah jamu bayar niat, gulai kambing lah masak pule ngan ndung yung pantit dengan kekancenye tu.
sebelum doa, merin pidato depan adik sanak
“adik sanak sekalian kite diundang pak beluk ni ngajak makan gulai kambing. dieni bayar niat dapat buah kopi lebat. ceki harge kopi besak, tancinye banyak pule. nah bapak ibu adik sanak sekalian, setiap bayar niat mangke yang punya niat atau hajatan dilarang makan gulai kambing,” uji merin nyampaikan sepatah due kata njak rumah pokok.
“yang makan gulai kambing kite tamu nilah. jadi intinye pak beluk sekeluarga anye makan kambing bagian tulang kaki. die makan, udimkan gale kite makan, tulang tu dikecup tige beranak. udimtu kuburkan di bawah tanaman kopi. supaye buahnye tambah lebat,” sampai merin, meyakinkah. 
baca juga:pemilu usai, jangan terkotak-kotak lagi
tulangtu dalak yang dak adenye dagingnye lagi alias tulang saje.
pas giliran pak beluk makan, die anak beranak anye ngecup tulang saje. 
nitikan aiak mate pak beluk dengan yung pantit nginak gulai kambing sebelange besaklah lah leci gale. 
“sabar saje pak beluk, masih ade kulitnye pacak dibuat belulang,” kate ndung yung pantit.
“amen lain kali bayar niat ndik pule ndak ngajak adik sanak pacak, banyak ige aturannye. tinggal tulangnye saje. kalu lah dikerjei merin kite ni,” jawab pak beluk sambil ngusuk peghut.

Tag

Share

Koran Terkait

Kembali ke koran edisi Radar Kaur, Jumat 16 Februari 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan