Advertisement Google

Mulai Mengkuau

Reporter: Rohidi Effendi |

Editor: |

Minggu , 20 Jul 2025 - 19:43

Pak Beluk--

mulai mengkuau                            malam kemaghi yung pantit anak sematawayang pak beluk tekejut bukan main nginak ndung yung mendam sughang di dapur rumah.
kebetulan, waktu itu ndung yung ni beselebu pakai baju ujan plastik bewarna abang.
karne penasaran, yung pantit langsung betanye dengan ndungnye tu.
"yak mak, ngengape kamu ni. tengah malam bute makai baju ujan di dalam rumah ni," tanye yung penasaran.
"hui yung jangan masigh ngan aku. jejajuh lah kaba tu," timbal ndung yung.
"yak kudai ngape kamu ni mak, jangan nakuti aku," yung tambah penasaran.
"ude pegilah guk bapang kaba saje. jangan masigh guk aku ni," timbal ndung yung agi.
nginak ndungnye luk itu, udim tu ngusir die pule, yung langsung pegi njenguk pak beluk sambil nangis.
"nah ngape ini yung, tape makan kaba dedebagh nangis ni," kate pak beluk.
"kinak kudai ndung tu bak, ngape die lah luk jeme gile tu," kate yung sambil maju nangis.
"gile luk ape yung, bebenar kudai," pak beluk penasaran.
singkat cerite, pas nginak bininye lah bebungkus baju ujan tu, pak beluk tekejut bukan main.
"ui ndung yung, bejage kudai. masih sihat kamu ni. maro ngucap," pak beluk lah cemas nginak perembak bininye.
"itulah, jangan masigh ngan aku. kalu kamu kene pule kele," timbal ndung yung.
"kudai kamu tu ngape pule," pak beluk tambah penasaran.
"aku ni aseku kene covid agi," ndung yung bercerite ngan lakinye.
"ai lah rusak nian kamu ni. mane ade agi covid kapuh. udim, lepasilah baju ujan tu. itulah amun nginaki hp tu kinaki ye penting seje. jangan bigal nian" kate pak beluk rengam.
"ui ngenian aku tu, aku makan mie tadi ndik bedie asenye agi. amun ndik percaye cubelah kudai," kate ndung yung agi.
karne penasaran pak beluk langsung ngujikan mei masakan bininye. pas dikinaknye pak beluk langsung tekejut nginak bumbunye lum di masukkan.
"hui lah mengkuau (pikun) nian kamu ni ndung yung. luk ape pule ndak ade asenye amun bumbu ndik di masukkan. ude mbuyu kerje kamu ni," kate pak beluk tambah rengam.

Tag

Share

Koran Terkait

Kembali ke koran edisi Radar Kaur, Senin 21 Juli 2025

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan