Undangan

Reporter: Bahman Hadi |

Editor: Daspan Haryadi |

Senin , 21 Apr 2025 - 21:03

Pak Beluk--

undangan                              belum lame ini yung pantit dapat undangan jak bapangnye, heran yung undangan ape ini, ngape dikinak ade foto prewedding pule dengan ndungnye. 
yung pantit mpai balik jak sekul pas ndak masuk rumah tekunci pule. dalam ati yung ke mane bapang dengan ndungni, perutni lah bebunyi ngeruduk ndak makan.
ai cacam pas lah lame juge duduk tekinaklah undangan untuk yung pantit, undangan ade foto bapangnye dengan ndungnye.
isi undangan ngajak yung datang acara peresmian pernikahan keletu.
dalam ati yung, ngape aku lah besak mpai ngundang, ngape jak dulu de ngundang aku bapang pesta ni.
bingung yung, iluak mane maksud undangan ini.
belum lame pegilah yung ke rumah paman, pas pule paman merin lagi nunggui guring pisang mbak telapak pakai kupi pule.
ai cacam dalam ati yung pas saje perut lagi lapar dapat makanan lemak pule jak pamanni.
"paman  ape kabar, sehat saje," uji yung pantit.
"au yung mela sini makan guring libar," jawab merin.
"au paman lah lapar nihan ini," timbal yung pantit.
"paman dapat undangan jak bapang," uji yung pantit agi.
"au yung dapat undangan, ndak pesta bapangmu di gedung nihan," timbal merin.
"pesta ape pule bapang dengan ndung tu paman," uji yung.
"pesta pernikahan yung, amen dulu mpai nikah saje belum pesta," timbal merin agi.
"yak paman neman bapangtu ndak pesta lagi, pengantin baru agi," timbal yung.
"au yung ndak ikut model kini, bapangmu lah pinjam dengan paman kerbau empat ekor," jawab merin.
"ai neman itu paman," uji yung agi.
"same iluak penganten baru bapang dengan ndungtu yung, ceki ade adek abang agi,” jawab merin.
"yak paman iluak mane ini, ade lukak be adek agi keletu," timbal yung.
"kendak bapangmu peresmian pestatu keletu mangke pacak beadek abang agi yung, datang kite yung pesta mangke bapangmu riang," timbal merin sambil besiul.*

Tag

Share

Koran Terkait

Kembali ke koran edisi Radar Kaur, Selasa 22 April 2025

Berita Terkini

Berita Terpopuler

Berita Pilihan