Advertisement Google

Dibigalkah Hp

Reporter: Bahman Hadi |

Editor: Daspan |

Kamis , 18 Jan 2024 - 21:54

Pak Beluk--

dibigalkah hp                            belum lamo ini pak beluk meli handpone (hp) android bukan main alapnye. tiap ketemu kancenye, hp dimainkan terus sampai-sampai kenan lupe kerje. 
hampir beaghi-aghi main hp, ndung yung pantit lah pusing nginak bapang yung telitis main hp. tapi masih beuntung pak beluk belum belajar main game online yang menghasilkan duit atau sebaliknye itu. kalu lah pacak mangke tu, de pacak lagi yung minta tanci ngan bapangnye.
baca juga:horee... 241 ni pppk kaur dibagi jelang pemilu, catat jadwalnya
kebetulan pule kancenye merin ngajak main ke rumah, ade urusan penting. biasenya kalu de urusan jando pasti urusan bisnis yang bakal ade cela duit masuk.
sambil besiul kecik, bapang yung langsung necit pakai gerude bughuknye  nemui kancenye merin. lah sampai ke rumah merin, mpai di pinggir jalan, langsung tegaik pak beluk bekabar.
“lah tebeli hp model kini, hp android yang pacak absen iluak di kantor-kantor tu,” uji pak beluk. 
belum lame pak beluk duduk, datang perintah merin ngajung nelpon kancenye di jakarta.
“sape pule merin kancemu ni?” tanye pak beluk.
“kance lame juge dieni, pembisnis,” timbal merin.
pas pak beluk telepon langsung jawab kance merin. lah lame cerite, pak beluk nanye.
“siape yang nelpon, aku ape mu?” tanye pak beluk. 
“mu yang nelpon,” jawab kance merin. 
merin diam saje nginak pak beluk nelpon sambil begaya. dalam ati merin, de kinaan pak beluk dengan jeme tu kalu nelepon biase.
“kalu ndak kinaan jeme nelpontu pakai video call,” saran merin.
“iluak mane merin ajari kudai,” jawab pak beluk
“ganti care nelpon dengan whatsapp (wa),” timbal merin agi.
mulai lah pak beluk nelpon care video call. tekejir pak beluk tekinak muke kance merin di hp-nye. 
“migalkah kabani pacak ade muke mu di hp akuni,” uji pak beluk
“same,…. di hp ku ade gambar muke mu iluak beghuk,” balas kance merin. 
“same-same bigal kitoni lantak hp ni,” timbal pak beluk agi.
“bukan hp yang bigal pak beluk, tapi kamu bedua yang buyan,” sintung merin.

Tag

Share

Koran Terkait

Kembali ke koran edisi Radar Kaur, Jumat 19 Januari 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan