Lengit Gulai

lengit gulai gara-gara udang digulai lengit, pak beluk ketahuan mak beluk dide puase. "kamu dide puase?" kate mak beluk betanye ke pak beluk. "puase aku," jawabnya. "ku inak nasi lah bekurang, udang digulai ni lengit sikuk, kuah gulai besirak" tanyenye. "iyak dide keruan aku, kalu kucing makannye," balas pak beluk. "mase kucing pacak bukak mejikom," balasnye. "ai ntah, dide keuran aku, kalu yung pantit dengan kancenye dide puase. tengah aghi tadi yung pantit mbatak kancenye ke sini," tandas pak beluk. "ai lah dide nian bani, kamu due beranak ini. galak kuti due ni, lah sekongkol dide puase," balas mak beluk. singkat cerite yung pantit balik ke rumah pak beluk kebetulan sedang pegi mancing. waktu yung pantit balik mak beluk langsung interogasi. "kaba dide puase?!" tanye mak beluk. "puase aku mak,"jawab yung. "sape ngambik gulai udang itu?" tanye mak beluk. "bak," jawab yung  "bak mu dide puase?," tanye mak beluk agi. "awu mak," balas yung. singkat cerita pak beluk balik endai mancing, mak beluk lah payah nahan emosi karena ditipui. "astaghfirullah, pak beluk kaba ni masih endak mbuhung dengan aku. kate kaba yung yang makan udang, kate yung kaba yang makannye. endai tahun ke tahun kaba ni dide puase, sampai anak lah besak ini," kutuk mak belik. "aku tadi tepanjal, itulah ngape kuah gulai besirak. nah palak ku ini masuk ke gulai, tetibe waktu aku ngangkat palak lah temakan udang. jadi kepalang tanggung aku pecahkan puase," jawab pak beluk.

Tag

Share

• 
• 
• 
• 
•