Advertisement Google

Tue Ndik Nue

Reporter: Rohidi Effendi |

Editor: Daspan Haryadi |

Kamis , 06 Mar 2025 - 19:55

Pak Beluk--

tue ndik nue                             siang tadi merin pegi ke rumah kancenye pak beluk. merin ke situ ndik lain karne ndak melipurkan puasenye.
sebab, maklum bulan puase kali ini, merin ni maju puase tiap aghi. jadi, amun mendam di rumah terase litak nian uji kenan.
singkat cerite, pas sampai di rumah pak beluk, merin langsung masuk saje. maklum kenan ni lah luk due berading ngan pak beluk tu.
"ui bapang yung tape die kulaghan," kate merin setu masuk rumah pak beluk.
"ai dide duduk santai nila," timbal pak beluk.
"puase kamu ni ce?" tanye merin.
"yak puase bai," timbal pak beluk luk kengenian.
lum lame ngobrol pak beluk langsung ngeluarkan rokok, udim tu ndepus ngudut kenan.
"yak uji puase kaba ni bapang yung. mangke ngape kaba ndepus ngudut," tanye merin.
"yak dide kah ngape amun cuman ngudut nila ce. ngudut ni cuman ngisapi asap same luk angin. jadi dide kah ngape nian," jawab pak beluk pede nian.
"ai tue ndik nue baseka kamu ni bapang yung. basekan puase tu bukan cuman nahanka aus ngan lapagh saje. ngudut luk kaba ni dide pule bulih," merin njelaskan panjang libagh.
"yak, aku kire dide ngape tadi. keruan adak aku. anye palangan lah teisap abiskah kudai rokok ni rugi," uji pak beluk tambah dedepus saje.
"lantak-lantak lah bapang yung, mumpung gi idup. entah pagi mati kamu tu. dide pacak agi kamu ndak ngudut," kate merin rengam.
"yak ngape kaba luk itu nian ce. ude aku matikah saje rokok ni," pak beluk cemas merin lah marah.
"ude aku balik saje, lemak aku mancing kapuh daripada nginak tingkah kaba ni," kate merin langsung kisit njak rumah pak beluk.

Tag

Share

Koran Terkait

Kembali ke koran edisi Radar Kaur, Jumat 7 Maret 2025

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan