Advertisement Google

Ngulahkah

Reporter: Bahman Hadi |

Editor: Daspan Haryadi |

Selasa , 09 Jan 2024 - 19:26

Pak Beluk--

ngulahkah                             yung pantit belum lama ini pusing tujuh keliling nginak kance-kancenya merayakan ulang tahun. sedangkan yung pantit ndak merayakan juge, anye lah liwat jauh tanggal dan bulan lahirnye. biasenye dirayakannye dengan bak dan maknye tiap bulan november.
tapi kini lah liwat, kini lah masuk bulan januari. kalu ulang tahun banyak kado dapat jak kance-kancenye mulai mainan kecik sampai mainan besak. tapi yung pantit de habis pikir luk mane mangke pacak dapat kado banyak dari kancenye.
“kance aku banyak ulang tahun bapak, sedangkan aku lah liwat ulang tahun de pule dirayakan,” kata yung pantit.
“jangan bingung yung, amen de pacak mu rayekan siape kekire kita ajung rayakan ulang tahun,” jawab pak beluk.
“siape bapak yang aku ajungkan ulang tahun ni,” timbal yung pantit.
“ulang tahun itu de mandang anak kecik, yang besak sampai lah tuo jugo pacak rayakan ulang tahun,” timbal pak beluk agi.
“siape kekire bapak yang pacak diajung ulang tahun mangke aku dapat banyak kado,” jawab yung agi.
“ajung datukmu saje ulang tahun, waktunye ulang tahun pas tanggal dan bulan lahirnye. anye kicikan dengan kancemu kadonye tetap untuk yung,” uji pak beluk njuk saran.
mulailah yung pantit nemui datuknye minta tolong ulang tahun. karena waktunye lahirnye lagi pas bulannye. datuknye juge ndak ulang tahun, sebab jak dunie tebentang belum pernah ulang tahun.
“yung, amen ulang tahun datuk, ape hadiah untuk datuk,” kate datuk
“ade datuk jak dibapak hadiahnye. tapi amen jak kance aku, hadiah untuk aku,” uji yung pantit.
lah sepakat datuk dengan yung pantit, mulai nyusun kegiatan ulang tahun. yung pantit lah bekabar dengan kancenye, tolong hadiah ulang tahun. kancenye lah setuju juge njuk hadiah kado untuk yung mpuk atas ulang tahun datuknye, itung-itung balas hadiah jak di yung belum lame ini.
“datuk galak ulang tahun bapak, anye hadiah banyaktu untuk aku. tapi datuk ndak hadiah jak aku,” uji yung dengan bapangnye.
“kalu hadiah datukmu, kite njuak kacang goreng saje yung, kini ndung mu lagi panen, kalu ndak beli hadiah mahal gale,” timbal bapaknye.
“kalu datuk de pacak lagi makan kacang goreng, giginye lah banyak lepas,”timbal yung agi.
“jangan pule dikicikan hadiah tu, anye kicikan dengan datuk pesan bapang. makan hadiah ni kele jangan digigit, langsung ditelan saje,” jawab pak beluk agi.
 mulailah datuk yung ulang tahun, yung pantit samping datuk sambil kance-kancenye njuk kado untuk yung. yung riang nian banyak dapat kado jak kancenye. pas lah terakhir, yung njukan hadiah untuk datuk jak bapangnye isinyo kacang guring.
“apo isi kadoni yung, besak nian kadoni,” kate datuknye.
“pesan bapak, amen makannye kele jangan digigit datuk, ditelan saje,”timbale yung.
“apo pule itu yung, bukan air minum hadiah jak bapangmuni, banyak di rumah datuk air minum,” timbal datuk.
pas lah tebuka kado,… tegaik peci udim datuk, “jak keciak sampai lah besakah anak, bapang mu de beruba yung. luk mane datuk makan kacang gurengni, gigi datuk lah lepas gale. ngulahkah jeme tue terus bapang kamu,”kate datuk
“yang penting datuk sehat mpuak makan kacang gorengtu pesan bapak tadi,” uji yung sambil pamit balik.

Tag

Share

Koran Terkait

Kembali ke koran edisi Radar Kaur, Rabu 10 Januari 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan