Advertisement Google

Main Catur-Tur

Reporter: Bahman Hadi |

Editor: Daspan Haryadi |

Selasa , 02 Jan 2024 - 19:48

Pak Beluk--

main catur-tur                            petang kemaghi yung pantit dengan kancenye anak merin main catur. pak beluk dengan merin jadi penonton sambil makan kacang rebus pakai kopi segelas besak gale. kirenyo main catur, yung pantit dengan kancenye same-same ndik ngerti main.
sementare pak beluk dengan merin lah pasang udim, yang menang dapat tanci rp 500 ribu. kirenyo pak beluk dengan merin juge ndik ngerti care main catur. tapi pikiran kedue bapaktu, anak-anaknye ngerti main catur, biase juara kelas amen di sekol. 
selame main, sampai buah catur habis, pak beluk dengan merin sambil kikik tetawe nginak anaknye main.
yung pantit lihai nian main, prajurit catur bejalan lurus sambil makan buah kawannye. sementare kancenye, peluncur bejalan lurus pule amen makan buah yung pantit. kalu jalan benteng pacak lurus pacak miring.
tapi amen jalan kuda dapat teguran keras jak pak beluk dengan merin. jangan dijalankan sebelum buah lah genting. sebab jalan kuda melumpat-lumpat, kurang benagh pacak meletup meja catur. 
amen perdana menteri dengan raje biase saje duluan dimakan. asak masih ade buah di meja, belum kalah kate due anaknye. amen pak beluk dengan merin ngangguk-ngangguk saje, yang penting aman dan lancar.
"kite gancangkan buah catur ni habis, mangke cepat dapat duit," kate yung pantit bebisik dengan kancenye.
"au nian, mangke pacak kite gunekan belanje tanci jak bakku," timbal kancennye.
baca juga:berikut daftar harga sepeda motor per januari 2024, terendah revo fit
baca juga:kejagung tuntaskan 1.287 perkara, uang negara diselamatkan jumlahnya fantastis! 
"buahmu ku habiskan cepat, buah aku sisakan sutiak saje . mangke aku menang, dapat tanci kite siap belaghi," jawab yung pantit.
mulailah yung pantit ngganas makan buah catur kancennye. mulai jak prajurit, nggut raje habis gale. sementare buah yung pantit besisa banyak. 
melumpat pak beluk nginak yung pantit menang bakal dapat tanci rp 500 ribu jak kancenye, merin.
"ini tanci pak beluk, aku kalah," kate merin.
"terima kasih merin, biase dalam pertandingan memang ade kalah-ade menang," jawab pak beluk begitu bijaknye.
"tancitu untuk yang main bapak, bukan penonton," timbal yung pantit.
"ndik ngape asalmu juare, tingkatkan lagi permainan. jika perlu, makan buah lawantu jak samping atau jak bawah meja yang penting menang," kate pak beluk ngenjuk petunjuk.
"awu bak, sebenarnye, kami tadi main tur-tur, asal tembak buah lawan. tapi amen main catur kami bedueni belum ngerti. ndik ngape lah ngenjuk tanci rp 500 ribu modal tahun baru," jawab yung sambil nempecit belaghi dengan kancenye. (man)

Tag

Share

Koran Terkait

Kembali ke koran edisi Radar Kaur, Rabu 3 Januari 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan