Advertisement Google

Sabuk Buyan

Reporter: Rohidi Effendi |

Editor: Dedi Julizar |

Minggu , 15 Dec 2024 - 19:55

Pak Beluk--

sabuk buyan                            pak beluk dengan ndung yung pegi ke njak dulu memang lah lame ngidamka pegi jauh naik pesawat.
kebetulan, pagi pak beluk ade tuga ke luar kota dan harus naik pesawat mangke cepat sampai.
saking riangnye, pak beluk ngan ndung yung mulai nyiapaka segale sesuatu ye ndak dibawe pegi.
pak beluk juge dide lupe ngapalka doa supaye selamat dalam perjalanan.
bahkan, singkat cerite pas di pesawat pak beluk maju kumat kamit mabace doa.
saking takutnye, kenan dide sadar kalu kenan lah sampai di tujuan.
waktu pramugari ngumumka agar seluruh penumpang turun njak di pesawat.
pak beluk tambah takut saje, sebab waktu itu kenan dide pacak turun.
"tulung ui, tulung. aku ni dide pacak betegak," kate pak beluk lah luk ke nangis.
"ya allah ampuni dosa-dosaku ya allah. hamba ni memang banyak dosa di masa lalu. hamba bertaubat," kate pak beluk maju bedoa.
ndengar pak beluk maju tegauk mintak tolong, pramugari langsung ndampingi pak beluk.
"pak kenapa pak," tanye pramugari. 
anye pak beluk dide kilah nimbal.
"pak kita sudah sampai, silahkan turun pak," uji pramugari agi.
"sampai ke mane, ngape aku ni dide pacak betegak ni," kate pak beluk.
"ui bapak, cube lepaskah kudai sabuk pengaman tu," uji pramugari agi.
"ui awu aa, itula sege nanan ni tadi. wajar masih nyangkut, sabuk buyan aiii. malukah jeme saje kabah ini," kate pak beluk sambil nyengir-nyengir.

Tag

Share

Koran Terkait

Kembali ke koran edisi Radar Kaur, Senin 16 Desember 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan