Advertisement Google

Salah Sangke

Reporter: Rohidi Effendi |

Editor: Dedi Julizar |

Jumat , 29 Nov 2024 - 21:15

Pak Beluk--

salah sangke                            lum lame ni pak beluk rengam nian dengan kancenye lihin, merin dan ujang kericup.
sebab, waktu raban ini sedang kerje di kantor, pasti ndik lame langsung pamit ninggalkan pak beluk.
kebetulan, tige sekawan ni lah sebulan ini kerje di kantor pemerintah ye badahnye ade di kota.
karne maju penasaran dan mulai curiga ngan kance-kancenye tu, pak beluk langsung betanye.
"kudai kamu ni maju pegi ninggalkah aku waktu sedangkan kerje ni ke mane pule," tanye pak beluk.
"ai dide bai palingan ndalak smoking area kapuh," timbal merin.
"ai ndak keruan gale kaba ni," sintung ujang.
singkat cerite, pas paginye agi merin, lihin dan ujang kericup ngulang pamit agi dengan pak beluk.
"kami pegi kudai jerang ce," kate merin.
"aku ndak ngikut pule ui," uji pak beluk langsung betegak.
"udelah pule, dide kah masuk ngan kaba base barang ni," sintung lihin.
"udimlah ui, aku tu lah keruan gale base kerje kamu pegi manjang tu," timbal pak beluk.
"ai dide kah masuk ngan kaba ce. kaba kan lah berenti mbak ini," kate merin.
"awu kan kaba lah belagham," sintung ujang.
"ude melah, aku penasaran nian kerje kamu banyak ni," uji pak beluk.
singkat cerite agi, pas sampai di belakang kantor tu, merin, lihin dan ujang langsung duduk sambil merepusan ngudut.
"kudai mane die budak gadisnye," tanye pak beluk.
"budak gadis ape pule," merin bingung.
"udimlah ui, kamu ni pasti nyanting kan. aku keruan baseka reti smoking tu nyantingkan," pak beluk lah rengam.
ndengar pak beluk salah sangke tu, ketige kawan kenan langsung ngakak tetawe.
"ui bapang yung, lah salah besak nian base kaba ni. baseka smoking tu bukan die nyanting. smoking area tu bada ngudut, bukan die nyanting kapuh, hahahaha," kate ujang njelaskah.
"mangke tape die kamu ngicik aku lah belagham tu," pak beluk tambah penasaran.
"hui kaba kan lah setengah tahun ni ngudut gegara kene marah ndung yung, hahahaha," sintung merin sambil tetawe pule.
"ui awu, adak nian awah, hehe," kate pak beluk sambil nyengir-nyengir kecik.

Tag

Share

Koran Terkait

Kembali ke koran edisi Radar Kaur, Sabtu 30 November 2024

Berita Terkini

RINGKASAN LAPORAN PENYELENGGARAAN PEMERINTAHAN DAE

Berita Terpopuler

Berita Pilihan